16 нчы август көнне Татарстан Республикасы татар телендә белем һәм тәрбия  бирүче  мәктәпкәчә белем оешмалары җитәкчеләренең методик мәйданчыгында өлкән тәрбияче Хәкимова Сирина Ибраһим кызы " Татарстан Республикасындаи милли мәгарифне үстерү "Республика күләм форумында "Балалар бакчасында инновацион эшчәнлек" темасы астында  методик остаханә белән чыгыш ясады.

Татар теле һәм әдәбияты укытучыларының VIII Бөтенроссия съезды делегатлары  “Мәгарифне үстерүнең актуаль юнәлешләре: традицияләргә нигезләнеп, киләчәккә барабыз” дигән тема астында,  беренче секция эшчәнлегенең киңәйтелгән программасы буенча, безнең балалар бакчасының эш тәҗрибәсе белән таныштылар.

Ел саен бакча күләмендә педагоголар тарафыннан оештырылган  Сабантуй бәйрәме үткәрелә. Бу бәйрәмне балалар бик сагынып көтеп алалар. Бу бәйрәмдә балалар татар халкының милли уеннары белән танышалар. Бәйрәм тәмле күчтәнәчләр тарату белән тәмамлана.

Күңелле сабантуйлары.

Бүген бәйрәм, зур бәйрәм.

Матур җырлар җырлый-җырлый,

Уйныйбыз әйлән-бәйлән

  И, балалар, бүген сезнең

Олы бәйрәм көнегез.

Шатланып, матур киенеп,

Сез бакчага килдегез.

 Бакчабызда үткәрдегез

Кышны, язны, җәйләрне.

Бүген сезнең бакча белән

Саубуллашу бәйрәме!

Бүген  бакча күләмендә " Җиңүле яз" исем астында Бөек Ватан сугышына багышланган тематик кичә үткәрелде. Балаларга сугыш вакытында балаларның нинди  авырлык күргәннәре турында сөйләнде. Балалар,  1 минут тынлык астында  сугыш кырында ятып калган  бабайларыбызны искә алдылар. Күгебез аяз, илебез тыныч булсын иде.

Буген балалар бакчасында җиңү бәйрәме уңаенннан, патриотик хисләр тәрбияләү өчен   " Улмәс полк" исемле  парад  үткәрелде. Балалар үзләренең бабаларының фотоларын  күтәреп, горурлык хисе белән бакча территориясе буйлап хәрәкәт иттеләр. Мондый чара балаларга бик тә ошады. 

Балалар бакчасының   ана ( татар) теленә өйрәтү тәрбиячесе  җитәкчелегендә зурлар һәм мәктәпкә әзерлек төркеме балалары белән татар халкының  " Алтын бөртекләр " әкияте сәхнәләштерелде. Әкият район күләмендә оештырылган " Яшь артист" бәйгесендә 2 урынны алды. Барысында бу җиңү белән котлыйбыз!

Бүген балалар бакчасы күләмендә " Тукайлы яз" исемле тематик кичә үткәрелде. Балалар күренекле шагыйрь Габдулла Тукайның шигырьләрен сәнгатьле итеп сөйләделәр, әсәрләрен сәхнәләштереп күрсәттеләр. Кичә истәлекле һәм эчтәлекле итеп үтте.  Балалар " Туган тел" җыры белән бәйрәмне тәмамладылар.

Балалар бакчасында ана (татар) теленә өйрәтү тәрбиячесе җитәкчелегендә "Габдулла Тукай әсәрләре нәни китапчыкларда" исемле күргәзмә оештырылды. Балалар ата -аналар берлектә Габдулла Тукай әсәрләрләреннән сюжетларны   кечкенә китапчыкларга  төшерделәр. Бу китапчыклар күргәзмәгә куелып педагоглар тарафыннан бәяләнде.

25 март көнне  Республика күләмендә , " Ак калфак оешмасы" җитәкчелегедә оештырылган " Татар малае, татар кызы " бәйгесе үткәрелде. Бу бәйгедә ана (татар ) теленә өйрәтү  тәрбиячесе  Гыйләҗева Гөлназ Шакир кызы җитәкчелендә  безнен балалар бакчасында тәрбияләнүче  Сеидов Мөхәммәд катнашып " Ин инсафлы бала" исеменә лаек булды.