Туган тел атналыгы кысаларында, 6 нчы б сыйныфында (укытучы: Якупова В.Б.) «Телебез-байлыгыбыз» темасына КВН уздырылды. Укучылар грамматик бәйгедә көч сынаштылар, табышмакларга җаваплар эзләделәр, сынамышлар әйтештеләр. Әлеге бәйгедән балалар да, жюри әгъзалары да, мөгаллимнәр үзләре дә бик канәгать калды.

 2 е сыйныфында үткәрелгән (укытучылары: Сәхәбиева Л.Р., Хәнәфиева Л.Ф.) “Муса Җәлил безнең күңелләрдә!” дип исемләнгән сыйныф сәгатендә укучылар үзләренең сәләтләрен күрсәттеләр: җырлар башкардылар, шигырьләр сөйләделәр, шагыйребез әсәрләреннән өзекләр сәхнәләштерделәр. Сыйныф сәгатеннән укучылар эчкерсез елмаю, күтәренке кәеф белән чыктылар. 

    Рус теле укучыларның сөйләм телләрен үстерү, проблемалы ситуацияләрдән чыгу юлларын табарга өйрәтү, татар теленә, сәнгатенә кызыксыну уяту, бер – береңә ягымлы булырга өндәү максатларыннан чыгып, 21 нче февраль көнне 6 нчы в сыйныфы укучылары (укытучы: Чевачина Р.В.) белән “Әкияттә кунакта” бәйрәме үткәрелде. Әкиятче бабай һәм кунаклар игътибарына сәхнәләштерелгән әкиятләр тәкъдим ителде. Укучылар үзләрен чын театр артистлары итеп таныттылар. Мондый чаралар укучыларны берләштерә, аларның сәләтләрен ачарга ярдәм итә. 

4 а сыйныфында (укытучы: Шигапова Г.И.) “Тел белгечләре” темасына уен үткәрелде. Укучылар командаларга бүленеп, телебез буенча сорауларга җаваплар эзләделәр, концерт номерлары белән сөендерделәр, такмаклар әйтештеләр, командада эшли белү сәләтләрен күрсәттеләр. 

   Укучылар  бу дәрестән бик канәгать  калдылар, йөзләреннән шатлык хисе китмәде.  

    Исәнмесез! Здравствуйте! Хаумыхыгыз, дустар! Арумы сез, карендәшләр! Здрастуйтэ! Барев! Сәламмәләйкүм! Гутен морген! Салом! Ыра кун!

    Кемдә ничектер, безнең 29 нчы мәктәптә ел саен 21 нче февраль-Халыкара туган тел көне нәкъ менә шулай башланып китә. Бәйрәм иртәсенең рухы һәркемнең күңелен күтәрә, кәефен яхшырта, йөзләрдән елмаю китми.

    Бәйрәмебезнең матур мизгелләре белән алдагы репортажларда танышырсыз.    

Туган телдә җырлый чишмә,

Туган телдә шаулый таллар.

Туган телдә дәшсәм генә,

Туган җирем мине аңлар.

       Туган тел! Ул - Ватан, туган җир, ата-ана сүзләре белән белән бер үк дәрәҗәдә торучы бөек, изге һәм кадерле сүз. 21 нче февраль көнне мәктәбебездә үткәрелгән бәйрәм чарасыннан соң бу сүзләрнең дөреслегенә тагын бер кат инандык.

    Бәйрәмдә мәктәбебезнең 11 милләт вәкиле катнашты, һәр милләт әһеле тамашачыларга үзенең чыгышын тәкъдим итте. Рус, әзербәйҗан,  керәшен биюләре белән беррәттән, кунакларыбыз украин, әрмән җырларын тыңлап ләззәтләнделәр.

    Бәйрәмебезнең мөхтәрәм кунагы – Петросян Наира Аветиковнаның чыгышыннан соң, Татарстан дип аталган уртак йортыбызда бергә  дус һәм тыныч тормыш итү -  зур бәхет икәнлегенә  тагын бер кат инандык.

    Алдагы көннәребездә дә бергә - бергә, иңгә - иң куеп, дус - тату яшәргә язсын,  һәр туган таңыбыз безгә иминлек, шатлык алып килсен!

Төп нигезем минем – Татарстан,

Синең язмыш – безнең гомерләр.

Төп нигезем, мине аерма син,

Әткәм - әнкәм биргән телемнән.

Башым иям бу дәһшәтле чорда

Шундый уллар биргән халыкка.

Башым иям бу халыкның исемен

Мәңге үлмәс иткән шагыйрьгә!.

     Укучыларда М.Җәлил иҗатына һәм шәхесенә карата ихтирам, милли үзаң, горурлык хисе тәрбияләү максатыннан чыгып, 10 нчы б сыйныфында (укытучы: Чевачина Р.В.) “Батырлыкка - мәдхия!” темасына сыйныф сәгате үткәрелде. Укучылар  шагыйрь иҗатын белүләре буенча көч сынаштылар. Шагыйрьнең  «Ышанма», «Вәхшәт», «Кызыл ромашка», «Ана бәйрәме», «Бүреләр», «Хат» һ.б. әсәрләре халык  хәтеренә  җуелмаслык булып  салынганын тагын бер тапкыр исбатладылар. Шагыйрь үзенең  яшәү принципларын янә искәртте кебек:

Батыр үлә, үлмәс ат алып,

Батырлыклар белән макталып,

Исмең калсын, үзең үлсәң дә,

Тарихларда укып ятларлык.

Сынаулары аша сыный тормыш,

Җиз иләктән кат-кат үткәрә.

Рухлары көчле булганнарны

Йолдыз итеп күккә күтәрә.

   13 нче февраль көнне 7 нче б сыйныфында (укытучы: Гурьева Л.С.) “Батырларның исеме мәңгелек!” дип исемләнгән патриотик сыйныф сәгате уздырылды. Укучылар  шагыйребез Муса Җәлилнең иҗаты  турында документаль фильм карадылар, шигырьләр сөйләделәр. Сыйныф сәгатенә килгән әти-әниләр дә “Моабит дәфтәрләре” турында мәгълүматлар белән уртаклаштылар.

   Укучылар бу чарада бик  теләп катнаштылар, үз белемнәрен күрсәттеләр.

7 нче б сыйныфында (укытучы: Якупова В.Б.) герой-шагыйрь Муса Җәлилнең үзенчәлекле иҗатын өйрәнүне популярлаштыру, укучыларда кызыксындыру уяту максатыннан дәрес - КВН үткәрелде. Әдәби КВН, бу уенның барлык кагыйдәләре кысаларында, М.Җәлилнең биографиясен, иҗатының үзенчәлекле этапларын өйрәнү – кабатлау максаты белән оештырылды. Җәлилнең кабатланмас иҗатына, үзенчәлекле батырлыгына дан җырланды. КВН-биремнәр барышында, “Бүреләр”, “Кызыл ромашка” кебек популяр шигырьләре белән беррәттән, укучылар шагыйрьнең балладаларына һәм юмористик иҗатына да тукталдылар. КВН-дәрес азагында “Сораулар лигасы” оештырылды.

Уважаемые родители будущих первоклассников!

26 января 2019 года в 11.30

в актовом зале школы №29

состоится первая встреча

с родителями будущих первоклассников.

Занятия (бесплатные)

с будущими первоклассниками начнутся

 2 февраля 2019 г.

Административно-педагогический коллектив