Милли көрәш бәйгесен үткәрү идеясен 2 нче гимназиядә көрәш секциясен алып баручы Шәмсевәлиев Илгиз Вәгыйз улы күтәреп чыккан. Бу инициативаны 2011 нче елдан бирле гимназия белән җитәкчелек итүче Әюпова Фирдүсә Фәнәвис кызы хуплаган.
Сигезенче елын рәттән үтүче көрәш бәйгесен тантаналы төстә гимназия җитәкчесе Әюпова Ф.Ф. ачып җибәрде: "Сез милләтебезнең, Татарстан республикасының киләчәге, булачак гаилә башлыклары. Сезнең уңышларга һәрвакыт сөенеп торабыз һәм киләчәктә дә сынатмавыгызны телибез", диде. Көрәштә катнашучыларга уңышлар, лаеклы жиңүләр, ә казыйларга гадел хөкем итүләрен теләде.
Көрәш бәйгесен 1 нче категорияле хөкемдар Хәйбуллин Илнур Нурислам улы алып барды. Көрәш киеренке шартларда узды. Беркем дә тиз генә бирелергә теләмәде. Тик һәрвакыт җиңү көчлеләр ягында. 2 нче гимназия көрәшчеләренә тиңнәр табылмады. Төрле авырлыктагы үлчәмдә 1нче урыннарга келәм хуҗалары - 2нче гимназиялеләр (барлыгы 8 беренче урын!) лаек булды. Әлбәттә бу уңышка ирешүдә 2 нче гимназиядә көрәш секциясен югары дәрәҗәдә оештырып биеклеккә күтәрүче республика категорияле хөкемдар Шәмсевәлиев Илгиз Вәгыйз улының өлеше бәяләп бетергесез.
Көрәш бәйгесен оештыру һәм үткәрүдә зур булышлык күрсәткән 2 нче гимназиядә белем алып төрле дәрәҗәдәге бәйгеләрлә җиңү яулаган көрәшче – иганәчеләребезгә зур рәхмәтләребезне җиткерәбез. Менә алар: “Закамье” АҖ Генераль директоры - Боязитов Рамил Мөҗәһит улы, танылган көрәшче - Сибгатуллин Илшат Нәсим улы, көрәш буенча дөнья чемпионы Гыйләҗетдинов Рәнис.

Бары тик җиңүле бәйгеләр генә юлдашбулсын сезгә. Афәрин!