"Кәгазьгә - икенче тормыш" акциясендә 2 нче гимназия исемендәге укучылар быел да бик актив катнашты. Бигрәк тә, 2в, 4в, 6в сыйныйфлары тырышты. 2в сыйныфыннан Мингазов Сәмир, берүзенә 503 кг кәгазь тапшырып, гимназия буенча беренче урынга чыкты һәм грамота белән бүләкләнде. Киләчәктә сынатмассыз дип ышанып каласы килә.

"Без бергә" конкурсында, "Творческая семья" номинациясендә Галиевлар гаиләсе катнаша.

Школьный этап репсубликанского детского художественного фестиваля народного творчеситва "Без бергә".

Номинация "Творческая семья", Победитель "Семья Шайхутдиновых".

Халык иҗаты фестиваленең "Без бергә" дип аталган номинациясе кысаларында Ишалиннар гаиләсе катнашты һәм җиңүче булды. Төрле  дәрәҗәдәге җыр, бию конкурсларында алдынгылыкны бирми Айсылу һәм Әдилә. Резидә апалары аларга үрнәк күрсәтә.  Кызлар укуда да сынатмыйлар, төрле олимпиада бәйгеләрендә аларга тиңнәр юк. Алга таба да шулай яңа үрләр яуларга язсын сезгә!

Быел безнең гимназиядә “Тылсым” театры оешты, аның җитәкчеләре - Чаллы драма театры артистлары Чулпан Казанлы белән Энҗе Шиһапова. Театр эше ике төркемгә бүленеп алып барыла: башлангыч сыйныф укучылары төркеме һәм урта звено укучылары төркеме. Икенче төркемгә керүче балаларның кайберләре гимназиядә эшләүче театр түгәрәгенә берничә ел рәттән йөргән укучылар.

Түгәрәк атнага ике тапкыр уздырыла. Бу көнне балалар зарыгып көтеп алалар. Сәхнә тарихы, сәхнә культурасы белән танышканнан соң балалар этюд уйнарга, мимиканы үзгәртергә, тизәйткечләр әйтеп сөйләм чарлау күнекмәләрен башкарырга, биюләр өйрәнергә, һәм, әлбәттә, спектакльләр әзерләргә дә өлгерәләр.

Быел Яңа ел бәйрәмендә Хәлим Җәләловның “Тылсымлы йозак” дигән пьесасын сәхнәләштереп, сәхнәдә үзләрен сынарга да өлгерделәр. Искиткеч матур тамаша балаларга бик ошады.

Ямь өстенә ямь дигәндәй, “Тылсым” түгәрәге яңа тамашалар белән күңелләрне тылсымлавын дәвам итә. Февраль аенда Туган тел көне уңаеннан Фәнис Яруллинның “Ике чәчәк” әсәрен сәхнәләштереп, нәни артистлар тагын алкышларга күмелделәр. Әлеге әсәр яхшылык һәм яманлык, тормыш авырлыклары алдында сыгылмау, авыр чакта бер-береңә ярдәмләшү, мәхәббәт сафлыгы хакындагы тирән фәлсәфи фикерләрне күтәрүе белән отышлы. Эчтәлеккә туры китереп сайланган музыкаль бизәлеш, зәвыклы костюмнар әлеге спектакльне тамашачыга заманча рухта җиткерү өчен бик оста сайлануын билгеләп үтү кирәк. Апа һәм сеңел чәчәк рольләрен башкаручы Алсу Төхвәтуллина белән Наилә Вәлиевалар дөньяны тануда туганнар терәге кирәк булуын сәхнәдән бик оста итеп җиткерделәр. Явыз Бүре ролен уйнаучы Алия Нурисламова үз герое характерын мимика , интонация, гәүдә пластикасы үтемле итеп бирүгә иреште. Чәчәкләр, усал җил, көзге кырау күренешләрен җанландырган кызлар төркеме сәхнәдә бию аша тирән фикер әйтү мөмкинлеген дәлилләделәр. Гомәрова Самира белән Абдуллин Рәсим яшүсмерләр арасындагы эчкерсез матур хисләрне уйнап, тамашачыны үзләренә гашыйк иттеләр.

Быел гына оешкан булуына карамастан “Тылсым” театры “Сәхнә көзгесе” региональ фестивальдә һәм театрлар баттлы “Амплуа” бәйгесендә призлы урынга лаек булды. Коллектив "Без бергә" исеме астында уздырылган республика балалар иҗат фестиваленең мәктәп турында җиңүче булды.

Афәрин, яшь театральләр, сезгә яңа уңышлар телибез!

Гимназиянең 6в сыйныф укучылары тарафыннан, татар теле укытучысы Нурисламова Энҗе Әзһәмовна белән берлектә, Тукай районы Иске Абдул авылында М.Җәлилнең туган көненә багышланган бәйрәм чарасы уздырылды. Мәдәният йортына балалар бакчасы һәм мәктәп укучылары, авыл халкы чакырылган иде. Сәхнәдән бер-бер артлы М.Җәлил шигырьләре яңгырады. Кичәнең кульминацион ноктасы унбер җәлилчеләр чыгышы булды. Кичә тәмамлангач, бәйрәмнән туган матур кичерешләр белән уртаклашу, фикер алышу минутларыннан соң, яудан кайтмый калган солдатлар һәйкәленә чәчәкләр салынды һәм бер минут тынлык белән ил батырлары искә алынды.

Тулырак мәгълүмат