Мәктәбебездә 12 апрель - Космонавтика көненә багышлангын кичә узды. Кичәгә хәрби очучы Рәшит абый Шәфыйков чакырылган иде. Ул укучыларны тормыш юлы белән таныштырды һәм укучыларны кызыксындырган сорауларга җаваплар бирде. Физика укытучысы Габдуллина С.Җ. укучыларны космонавтика тарихы белән таныштырды.

Мәктәптә өченче чирек нәтиҗәләренә һәм оештыру эшләренә багышланган  ата-аналар җыелышы булды.

Классларда "Бөек Ватан сугышында җиңү" темасы буенча тормыш дәресләре үткәрелде

Татарстанның Халык язучысы, Г.Тукай исемендәге Дәүләт бүләге иясе, прозаик, драматург, публицист Ф.Садриевка багышлап, 1 нче апрель көнне мәктәбебездә кичә үтте. Укучылар язучының иҗаты, уңыш серләре белән таныштылар.

Әлмәт дәүләт муниципаль хезмәт институтының актлар залында әдәбият өлкәсендәге казанышлары өчен шагыйрә Клара Булатова исемендәге премия тапшыру тантанасы узды. Әлеге иҗат бәйгесенә безнең мәктәпнең 8 нче сыйныф укучысы  Шәйхетдинова  А.А.да катнашты. Ул лауреат дипломына ия булды. Укытучысы – Дәүләтова Р.Ф.

    24 нче мартта Казан шәһәрендә Туфан Миңнуллин исемендәге укытучыларның һәм укучыларның III республика күләм конференция узды. “20 гасырның икенче яртысы татар әдәбиятында әдәби-эстетик эзләнүләр” темасы буенча фәнни эш башкарып,  8 нче сыйныф укучысы Идиятуллин И.Д. лауреат дипломына ия булды. Укытучысы – Дәүләтова Р.Ф. 

9 март көнне Мөслим мәдәният йортында авыл җирлекләре смотр концертларының гала-концерты үтте. Анда безнең мәктәбебездән Багаутдинова Луиза, Марданова Сирина, Шәяхмәтова Миләүшә һәм 10 класс укучысы Хаҗиева Айзирә катнаштылар. Уңышлы чыгыш ясаулары белән котлыйбыз!