8 нче сентябрь көнне «Мизгел» яшьләр үзәге белгечләре «Экстремизмга - юк!» дигән айлык кысаларында 5-6нчы сыйныф укучылары өчен «Беслан фаҗигасе»дигән темага класс сәгате үткәрде. «Мизгел» яшьләр үзәге белгечләре Бесланның иң куркыныч фаҗига булуы, Беслан шәһәренең 1 нче мәктәбенең балаларына, ата-аналарына һәм укытучыларына күпме кичерергә туры килгәне турында сөйләделәр. Әлеге класс сәгате укучыларда терроризм корбаннарына карата кызгану, терроризмга тискәре караш тәрбияләргә ярдәм итәр дип ышанабыз.  Чара балаларга бик ошады.

Мәктәптән тыш эшләр үзәгеннән Айзиря Дульфаритовна килеп үзләрендә эшләп килгән түгәрәкләр белән таныштырды һәм йәрисе килгән балаларны үзләренә һәр көнне сәг.14.30 чакырды.

1-4 нче сыйныфларда «Юл хәрәкәте кагыйдәләре»дигән темага сыйныф сәгатьләре узды.

Муниципаль районның социаль-икътисадый һәм инфраструктур үсешен өйрәнү максатыннан районга Казаннан стажерлар килде.
Илнур Сираев -Татарстан Республикасы Гарантия фондының маркетинг һәм үсеш буенча директор урынбасары (“Россия лидерлары” идарәчеләр конкурсының суперфиналисты), Тимербулат Самерханов–мәктәптә кунакта

" Куркынычсыз көпчәк" конкурсының район һәм республика этапларында берничә ел рәттән уңышлы чыгыш ясаган отрядыбызга бүләккә велотренажор кайтты. Әлеге тренажор ярдәмендә юл йөрү кагыйдәләрен дә өйрәнергә мөмкин. Укучылар төрле күнегүләр эшли ала. Җитәкчеләре Айгильдин Эльмир Мансур улы.

1 нче сыйныф укучылары белән юл хәрәкәтләре куркынычсызлыгы җитәкчесе Ситдикова Алсу Разин кызы белән очрашты. Укучыларга юл аша чыгу, юл билгеләрен исләренә төшерде. Балалар төрле сорауларга җавап бирделәр. Мультфильм карадылар. Укучыларга истәлекле бүләкләр тапшырылды

Бүген 5а сыйныфында ата- аналар җыелышы узды. Әти-әниләрен үзләрен кызыксындырган соруларга җаваплар алдылар,ата-аналар комиссиясе сайланды.

Татарстан Республикасы территориясендә куркынычсызлык айлыгы  кысаларында 1-10 сентябрь көннәрендә мәктәпләрдә "Куркынычсызлык дәресләре" уздыру планлаштырылган. 6 сентябрь көнне мәктәптә  янгын чыккан очракта кешеләрне эвакуацияләү буенча укыту-өйрәтү дәресе үткәрелде. Эвакуация дәресе күрсәткәнчә, мәктәпнең администрация составы эвакуация һәм янгын куркынычы факторларына дөрес җавап бирү буенча тиешле күнекмәләргә ия икәнне раслады. Чарада барлыгы 500 укучы катнашты

Терроризмга каршы көрәштә бердәмлек көненә багышланган «Тормыш тамчысы» Бөтенрәссәй акциясе «Мөслим йөрәге» скверында узды.
3 сентябрь-терроризмга каршы көрәштә бердәмлек көне. Бу көн 2004 елның беренче сентябрендә Беслан шәһәрендәге фаҗигале вакыйгаларга багышланган. Ул көнне, террорчылык акты вакытында, берничә йөз кеше һәлак булган, аларның күбесе балалар. Өч көн буена алар бер тамчы суда да эчә алмадылар.
Чара шул фаҗигале көннәр истәлегенә бер минут тынлык белән башланып китте. Акцияда сәламләү сүзе белән Башкарма комитет җитәкчесенең социаль-мәдәни үсеш буенча урынбасары Бәдретдинова Марина Ранас кызы, коррупциягә каршы сәясәт буенча район башлыгының ярдәмчесе Бәдретдинов Наил Әхтәм улы һәм Мөслим районы иҗтимагый совет рәисе, Мөслим районының атказанган мәдәният хезмәткәре һәм почетлы гражданины Солтанов Рушат Җәүдәт улы чыгыш ясадылар.

3 сентябрь көнне мәктәбебездә  “Җиңү диктанты” дигән темага Халыкара тарихи диктант язу оештырылды. Диктантның эчтәлеге Икенче Бөтендөнья сугышы вакыйгаларына багышланды. Акция “Бердәм Россия” партиясенең Татарстан региональ бүлекчәсе һәм “Тарихи хәтер” дип аталган Федераль партия проекты кысаларында үткәрелде. Бу чараның максаты – Бөек Ватан сугышы тарихын искә төшерү, яшьләрне патриотик рухта тәрбияләү. Шулай ук мәктәп укучылыры, яшьләр арасында илебезнең данлы үткәненә кызыксыну уяту, ата-бабаларыбызның онытылып барган батырлыкларын искә төшерү.