Мәктәбебездә укучыларыбыз өчен  К. Э. Циолковский тууына 165 ел тулуга   багышланган тәрбия сәгате узды.

Бүген Мөслимдә «Татарстан кроссы - 2022» узды. Бәйрәмне ачып, Альберт Хуҗин спорт сөючеләрне һәм җанатарларны сәламләде һәм спорт яратучы райондашларыбызның елдан-ел артуын билгеләп үтте. Кросска «Гармония йөгерүе» халыкара факел эстафетасы да кушылды.

Бүген Мөслим «Гармонияле йөгерү» халыкара факел эстафетасын кабул итте! Районыбызда спорт киң колач җәйгән. Спортчыларыбыз әледән әле үрләр яулап тора, һәрвакыт алга омтыла. Бүген алар эстафета йөгерешчеләрен сәламләделәр, факел йөртүдә каткаштылар, әлеге тарихи вакыйганың шаһитлары булдылар. Иртәгә, 17 сентябрь көнне, эстафета Башкортостан республикасына тапшырылачак.

Бүген мәктәбебез укучылары белән "Интернет челтәре куркынычсызлыгы" темасына тәрбия сәгатьләре узды. Балалар интернет куллануның кагыйдәләре, интернет челтәре  куркынычсызлыгы, интернет ресурсларга игътибарлы булырга, аралашу тәртибен формалаштыруның кагыйдәләре белән таныштылар.

15 сентябрь Татарстан варислары туган көне. Шул уңайдан 5 нче сыйныфның 77 укучысын варислар сафына кабул иттек.

9 сыйныфларда "2023 елда төп гомуми белем мәгариф программалары буенча дәүләт йомгак аттестациясен үткәрү тәртибе" темасына ата-аналар җыелышлары узды. Имтихан тапшыруның уңышлы булуы күбесенчә укучыларның һәм аларның ата-аналарының имтихан процедурасы белән никадәр таныш булуына бәйле. Җыелыш барышында ата-аналар 2022-2023 уку елында ГДИ үткәрү тәртибе белән таныштылар.

Бүген тәрбия сәгатьләрендә укучылар туган ил төшенчәсен, туган йорт, нигез турында белемнәрен ныгыттылар. Мәкаль һәм әйтемнәрдән туган илгә багышланганнарын әйттеләр. Үз фикерләрен тулы, матур итеп әйтә белүләре белән сокландырдылар.

Балаларның мәктәптә тукланулары белән ата- аналар һәрдаим кызыксынып тора, һәм бүген дә 4Б,5Б,5Г сыйныф укучыларының ата-аналары мәктәпкә килде. Пешекчеләргә үзләрен кызыксындырган сорауларын бирделәр.

5 нче а сыйныфында ата- аналар җыелышы узды. Сыйныф җитәкчесе 5 нче сыйныфка булган таләпләр һәм предмет ияләре белән таныштырды. Ата- аналар комитеты сайланды

Терроризмга hәм экстремизмга каршы көрәш айлыгы кысаларында 5а сыйныфы кызлары өчен мемориаль комплекска экскурсия оештырылды. 
ТР Халыклар ассамблеясы Мөслим районындагы вәкиллеге житәкчесе,Мөслим районы Иҗтимагый совет рәисе, Мөслим районының Мактаулы гражданины Солтанов Рушат Жәүдәт улы Бөек Ватан hәм әфган сугышы вакыйгалары турында сөйләде, герой якташларыбызны билгеләп үтте.
"Барысы да балачактан һәм гаилә тәрбиясеннән башлана. Әйдәгез, бер-беребез турында кайгыртыйк һәм толерантлы булырга тырышыйк! "- дип, Рушат Жәүдәтович укучыларга үз киңәшләрен бирде.