Мәктәпкәчә яшьтәге балалар төркемендә урамда, юлда үз-үзләрен дөрес тоту, бер- берсенә игътибарлы булу, сабырлык кебек күркәм сыйфатлар тәрбияләү; балаларның юл йөрү кагыйдаләре һәм юл билгеләре турындагы белемнәрен киңәйтү максатыннан "Сак йөрегез юлларда!" исеме астында әңгәмә узды.

Түбән Табын төп гомуми белем бирү мәктәбендә яшь буында ришвәтчелеккә каршы көрәштә гражданлык позицияләре, кыйммәтләр тәрбияләү һәм үстерү; коррупция төшенчәсен аңлату; аның тарихына кыскача күзәтү ясау максатыннан күргәзмә оештырылды.

Туган телләр һәм халыклар бердәмлеге елы уңаеннан  18 нче сенябрь көнне Түбән Табын төп гомуми белем бирү мәктәбенең рус теле һәм әдәбияты  укытучысы Хөсәенова Г.К. Каюм Насыйриның ”Китаб-әт- тәрбия” китабы буенча мәгълүмәти чара уздырды. Укучылар К.Насыйри музеена вертуаль сәяхәт кылдылар, ”Китаб-әт- тәрбия” китабыннан, нәсихәтләр укып, фикер алыштылар.

Балаларны “закон”, “бурычлар”, “хокук” төшенчәләре белән таныштыру, законга хөрмәт хисе тәрбияләү, законнарның төрлелеген күрсәтү, хокуклар һәм бурычларны аерырга өйрәнү максатыннан “Бала хокуклары” темасына сыйныф сәгате узды.

Ришвәтчелек-кешенең акылын, намусын юкка чыгаручы, җәмгыятьнең барлык өлкәләрен дә биләп алган гомуми бәла, кеше хокукларын һәм ирекләрен бозу формаларының берсе. Укучыларыбыз шушы темага булган  фикерләрен рәсемнәр аша чагылдырдылар.

"Экстремизмга - юк!" айлыгы кысаларында укучылар ясаган рәсемнәрдән күргәзмә оештырылды. 

Туган телләр һәм халыклар бердәмлеге елы уңаеннан  17 нче сенябрь көнне Түбән Табын төп гомуми белем бирү мәктәбенең рәсем сәнгате укытучысы Нуруллина Ә.Х. башлангыч сыйныфларда, татар халык орнаментлары кулланып, укучылар өчен китап кыстыргычлары һәм ябыштыргычлар ясау буенча мастер-класс күрсәтте.

1990 елның 15 сентябреннән Татарстанда «Татарстан Варислары Берлеге» балалар оешмасы барлыкка килә. Шул вакыттан бирле барлык мәктәпләрдә дә бу дата ТВБ туган көне буларак билгеләп үтелә. Түбән Табын төп гомуми белем бирү мәктәбендә дә шушы истәлекле датаны билгеләп үттеләр.

16 нчы сентябрь көнне, Төбән Табын төп гомуми белем бирү мәктәбендә "Татарстан кроссы - 2021" массакүләм ярышлары узды. Барлык сыйныф укучылары, укытучылар, мәктәпкәчә яшьтәге балалар төркеме тәрбиячеләре, акциягә катнашып, марафонны йөгереп үттеләр.

13 нче сенябрь көнне Туган телләр һәм халыклар бердәмлеге елы уңаеннан  Түбән Табын төп гомуми белем бирү мәктәбенең 1-9 нчы сыйныф укучылары "Юл хәрәкәте иминлеге" ДБУнең Сарман һәм Мөслим районнарында профилактика бүлеге начальнигы Сиддыйкова А.Р. белән очраштылар. Очрашуда укучылар  юл йөрү кагыйдәләрен искә төшерделәр, документаль фильм карадылар. Барлык катнашучыларга да  яктылык кайтаргыч элементлар һәм яшь җәяүлеләргә кагыйдәләрне истә тоту китапчыклары тапшырылды