Туган телләр һәм халыклар бердәмлеге елы кысаларында Мөслим үзәк китапханәсендә балалар шагыйре, ТР Атказанган укытучысы, балалар шагыйре, А.Алиш, С. Сөләйманова исемендәге премияләр иясе Мөҗәһит Әхмәтҗанов белән очрашу узды. Әлеге чарада Мөслим гимназиясенең 4б сыйныфы һәм сәнгать мәктәбе укучылары катнашты. Мөҗәһит Әхмәтҗанов балаларга үзенең иҗат җимешләре, шөгыльләре турында сөйләде, төрле уен коралларында уйнап күрсәтте. Балалар үз чиратында әдипнең шигырьләрен сөйләде. Чара сәнгать мәктәбе фортепиано һәм тынлы уен кораллары бүлеге укучыларының чыгышлары белән үрелеп барды.

Туган телләр һәм халыклар бердәмлеге елы кысаларында “Үзәк китапханә” хезмәткәре Кашапова Миләүшә Рәшит кызы Мөслим гимназиясенең 2 б сыйныф укучылары өчен "Китап - безнең иң яхшы дустыбыз" дип исемләнгән сыйныф сәгате үткәрде. Балалар укуын пропагандалау максатыннан, балалар популяр балалар язучылары һәм кызыклы китаплар турында күп мәгълүмат алдылар. Китапханәче сөйләве презентация белән үрелеп барды. Әкият персонажларына кагылышлы сорауларга җавап бирделәр. Укучылар вакытны күңелле һәм кызыклы итеп үткәрделәр, уңай эмоцияләр алдылар.    

Туган телләр һәм халыклар бердәмлеге елы кысаларында бүген 10 нчы б сыйныфында татар теленнән гарәп графикасына өйрәтү дәресләрен ТР Атказанган укытучысы, балалар шагыйре, А.Алиш, С. Сөләйманова исемендәге премияләр иясе Мөҗәһит Әхмәтҗанов уздыра. Өр-яңа мәгълүмат: кичә безнең яраткан шагыйребез Мөҗәһит Заһит улы Әхмәтҗановка Шәүкәт Галиев премиясе тапшырылды. Форсаттан файдаланып, бу дәрәҗәле бүләге белән котлыйбыз, сәламәтлек, иҗади уңышлар телибез!

Учителя и ученики Муслюмовской гимназии приняли участие в акции "Тотальный диктант". Тотальный диктант можно было написать как в офлайн формате, так и в онлайн. Проверять работы будут ведущие педагоги и эксперты филологии. Свои результаты участники смогут посмотреть на официальном сайте

Туган телләр һәм халыклар бердәмлеге елы кысаларында, 2в сыйныфында "Китап - безнең дустыбыз" дигән тема астында тәрбия сәгате булды.Укучылар үз китапларын булдырдылар.

Туган телләр һәм халыклар бердәмлеге елы кысаларында, үзәк китапханә хезмәткәре Вафина Г.З
Мөслим гимназиясенең 6А сыйныф укучыларына "Беренче очыш" дип исемләнгән сыйныф сәгате үткәрде. Китапханәче Ю.А.Гагаринның тормышында булган кызыклы мизгелләре турында сөйләде.

Протоколы результатов спортивного многоборья (тестов) школьного этапа

«Всероссийских спортивных соревнований школьников «Президентские состязания»

  2 апрель-Халыкара балалар китабы көне Һанс Христиан Андерсынның туган көнендә билгеләп үтелә.         

          Гимназиядә халыкара балалар китабы көне, туган телләр һәм халыклар бердәмлеге елы уңаеннан педагог-китапханәче  Солтанова Г.М.  укучыларны балалар китаплары һәм Андерсен әкиятләре белән таныштырды. Шулай ук  балалар китапларыннан оештырылган күзгәзмә аша китап иленә сәяхәт кылдылар.

Туган телләр һәм халыклар бердәмлеге, районнын «Мөслим очкыннары» проекты кысаларында, татар халкының милли бәйрәме-«Карга боткасы» узды. Ата –бабаларыбызның бәйрәме белән балаларны таныштыру, аның тарихы турында сөйләү, киләчәк буынга бәйрәмнең әһәмиятен житкерү, татар халкының тормыш-көнкүрешенә һәм мәдәниятенә кызыксыну уяту, кошларга сакчыл караш булдыруны максат итеп куйдык.