Туган телләр һәм халыклар бердәмлеге елы кысаларында, " Мөслим егете, Мөслим кызы" проектын тормышка ашыру, туган ягыбыз табигатенә мәхәббәт тәрбияләү максатыннан,  гимназиянең 5 а, 5в сыйныфы укучылары "Ык буе" паркында булдылар, көзге табигатьнең гүзәллеген, ел фасылы алмашынгандагы үзгәрешләрне күзәттеләр, шул ук вакытта атлар янында кунакта булып, аларны сыйлап кайттылар.

Туган телләр һәм халыклар бердәмлеге елы уңаеннан Мөслим гимназиясе укучылары, укытучылары, әти-әниләре дөньякүләм белем тикшерү акциясенә кушылдылар. Татарча диктант яздылар

Туган телләр һәм халыклар бердәмлеге елы кысаларында гимназиянең 9-11 нче сыйныф укучылары район мәдәният йорты каршында эшләп килүче халык театры артистлары сәхнәләштергән Аяз Гыйләҗевның "Өч аршын җир" трагедиясен карадылар

5нче а сыйныфы ата-аналар комитеты ашханәдә туклануның торышын тикшерде

Туган телләр һәм халыклар бердәмлеге елы кысаларында, 15 нче сентябрь Татарстан варислары туган көне уңаеннан гимназиябезнең 5 нче сыйныф укучылары Татарстан варислары берлегенә кабул ителде. Алар Мөслим кагыйдәләрен сөйләп күрсәттеләр. Киләчәктә Мөслимебезнең лаеклы уллары, кызлары булыр өчен сүз бирделәр. Гимназия үзидарәсе укучылары аларга уңышлар теләде.

5 нче сыйныфлар юл йөрү кагыйдәләрен ДОСААФ инспекторы Ахунов Р.Г. белән бергә өйрәнделәр. Ул юл йөрү кагыйдәләрен өйрәнү нечкәлекләре белән бүлеште, укучыларның гомерен куркыныч астына куя торган очракларга мисалллар китерде

Юл йөрү кагыйдәләрен өйрәнү барышында 7 нче а сыйныфы укучылары юл йөрү билгеләрен тану буенча да бер-берсенең белемнәрен сынадылар

Дөньякүләм белем тикшерү акциясе уңаеннан Мөслим гимназиясендә "Татарча диктант яз" акциясе узачак.

Туган телләр һәм халыклар бердәмлеге елы уңаеннан 11 нче Б сыйныфы укучысы, "Ел укучысы-2021" титул иясе Гыйльфанова Зөлфиянең фотосы районыбызның Дан тактасына урнаштырылды, Истәлек таныклыгы тапшырылды.

Туган телләр һәм халыклар бердәмлеге елы уңаеннан Мөслим гимназиясендә үткән белем бәйрәмендә укучылар мәктәп тормышыннан күңелле мизгелләрне сәхнәләштерделәр.