Бүген мәктәбебезгә Мөслим телевидениесе кунакка килде. "Фантазия" мультстудиясе һәм "Күчтәнәч" курчак театры турында матур сюжетлар төшерелде.

На муниципальный этап конкурса "Буду бдительным на льду и на воде" отправили мультфильм, созданный детьми дошкольной группы.

"Мөһим мәсьәләләр турында сөйләшү" проектын тормышка ашырып, "Халыклар бердәмлеге көне нинди бәйрәм ул?" дигән темага класс сәгате үткәрелде.

Дәүләт флагларын күтәрү чарасында ветеран укытучыбыз Галимов Мирзанур абый катнашты. Балаларга яңа чиректә яхшы нәтиҗәләргә ирешүләрен теләде, сәламәт булу өчен спорт белән дус булырга кирәклеген искәртте.

Мәктәпкәчә яшьтәге балаларның сәламәтлегенә зур игътибар бирелә. Иртәнге зарядка төрле яңа алымнар кулланып, балаларга кызыклы итеп үткәрелә.

Мәктәпкәчә яшьтәге балалар төркемнәрендә "Иң матур букет" конкурсы игълан ителгән иде. Әти-әниләр һәм балалар конкурста бик актив катнаша.

Укучыларыбыз бик теләп "Укучының мәдәни көндәлеге" конкурсында катнашалар. Аларга уңышлар телибез!

Актаныш районы "Умырзая" балалар бакчасында узган семинарда тәрбиячебез Шәрифуллина Р.Ф. Чаллы шәһәре, Азнакай, Актаныш, Минзәлә районнарыннан килгән коллегаларына "Мультфильм төшерүнең яңа алымнары" темасына мастер-класс күрсәтте. Чарада шулай ук "Мин - яшь мультипликатор" конкурсы җиңүчеләре дә бүләкләнде. Әлеге конкурста "Фантазия" мультстудиясенең "Чукмар белән Тукмар" мультфильмы 3 нче урын яулаган иде. 

"Мин кулыма китап алам" проекты кысаларында укучылар авыл китапханәсенә бардылар, яңа китаплар алдылар.

Укучыларыбыз авыл мәдәният йортында оештырылган "Шатлык" балалар театрында шөгыльләнә. Бүгенге көндә алар яңа спектакльне сәхнәгә кую өстендә эшлиләр.