Бүген мәктәбебездә Соңгы кыңгырау бәйрәме узды. 4 нче сыйныфны 2 укучы тәмамлады. Аларны котларга әти-әниләре, авыл җирлеге идарәсе вәкилләре килгән иде.

Укучыларыбыз кулланылышта булган батарейлар җыеп, кабул итү пунктына тапшырдылар. Җыелган батарейлар 4 килограммнан артык булды.

Мәктәпкәчә яшьтәге балаларга экологик тәрбия бирү өстендә зур эш алып барыла. Алар даими рәвештә табигатькә экскурсиягә чыгалар, агачлар, үләннәр, табигать күренешләре белән танышалар, тирәнтен өйрәнәләр.

Экологик тәрбия бирү максатыннан, балалар белән бакчада чәчәкләр утырттык.

"Цифрлы дәрес" кысаларында "Квант компьютерлар" темасына цифрлы дәрес үтте.

Республика күләмендә үткәрелгән балалар сәнгате “Без Тукайны укыйбыз” конкурсының “Нәфис сүз” номинациясендә 1 нче класс укучысы Сәфәргалин Камил 2 нче дәрәҗә диплом белән бүләкләнде.

Башлангыч сыйныфлар белән “Җиңү өчен рәхмәт, бабам” дигән тема астында “Мәктәптә укыткан ир-егетләрнең батырлыгы” дип аталган класс сәгате үткәрелде.

"Без бергә" фестивалендә мәктәбебезнең "Наз" ансамбле 2 нче дәрәҗә диплом белән бүләкләнде

Авылыбызның Хәтер мемориалы янында Җиңү көненә багышланган митинг узды. Анда укучыларыбыз һәм мәктәпкәчә яшьтәге балалар да чыгыш ясады. Шулай ук "Үлемсез полк" һәм "Җиңү тәрәзәләре" акцияләренә дә кушылдылар.

Укучыларыбыз "Ветераннарга бүләк" акциясенә кушылып, авылыбызның тыл ветераннарына бүләкләр әзерләделәр.