Бүген  Республикабыз мәктәпләрендә  чыгарылыш сыйныф укучылары өчен "Соңгы кыңгырау" шалтырады. 9 нчы һәм 11 нче сыйныф укучыларына бары тик уңышлар, саулык - сәламәтлек теләкләрнең иң -иң изгеләрен генә телибез.

 "Тылсымлы куллар"журналы  "Җиңүнең - 70 еллыгы" уңаеннан игълан иткән"Бабам батырлыгы" дигән бәйгедә катнашып, Рәимов Илзиребезне журналның  2015 нче елның май ае санында ( 3 нче бит) күрүебезгә без бик шатбыз!. Илзир алга таба да уңышлар сиңа!

 Бөек Җиңүнең 70 еллыгы уңаеннан уздырылган митингта катнаштык. Һәйкәлләргә чәчәкләр куйдык.

 Җиңүнең 70 еллыгын каршылау уңаеннан, "Иҗади сәнгать эшчәнлеге"ндә балалар белән котлау открыткалары ясадык. Былтыр 90 яшен тутырып арабыздан киткән, Сон ягының "Соңгы могиканы" - Ленинград блокадасының эчендә кайнаган беренче группа инвалид, сугыш ветераны - Низамов Гыйльметдин Низам улының шәхси киемнәрен - бигрәк тә орден - медальләрен таккан костюмын киеп карау һәр балада горурлык хисе тудырды. 

Күгебез аяз, илебез тыныч булсын өчен гомерләрен кызганмаган ветераннарыбызга дан һәм хөрмәт!

 1 нче май бәйрәмен каршы алу уңаеннан, без - балалар белән табигатькә экскурсия оештырабыз. Саф һавада " алтын -кызыл" йомыркалар бигрәк тәмле шул!

Кичәбезнең төп максаты: балаларның Г.Тукай иҗаты турындагы белемнәрен гомумиләштерү һәм аларны бәйрәм кичәсендә куллану. Кичә барышында әхлак кагыйдәләрен үтәүдә мөстәкыйльлекләрен, иҗади сәләтләрен үстерү, сәнгатьле итеп сөйли белү күнекмәләрен камилләштерү. Г.Тукайның бөек шагыйрь икәнен тану һәм иҗатына ихтирам, хөрмәт, горурлану хисләре тәрбияләү.

Җир ачылган урыннарда беренче яз чәчәкләре үсеп чыга: умырзая, үги ана яфрагы, күкебаш, нәүрүз гөл. Ә агачлардагы бөреләр көннән көн зурая, бүртә - яфрак ярырга әзерләнәләр. Без балалар белән табигатьтәге үзгәрешләрне күзәтеп, нәтиҗәләр чыгарабыз, экологик белемнәрен тирәнәйтәбез.Туган якның уянып килүче табигатенә мәхәббәт уяту, балаларның сәламәтлеген ныгыту безнең бурыч.

Үзебез ясаган көймәләрне йөздерүе ничек күңелле!