Уку елы башында "Мәктәп белән балалар бакчасы арасында дәвамчанлык" буенча еллык план төзибез. Без шул план буенча ел буе алынган бурычларыбызны бергә киңәшеп, уртак фикергә килеп бердәм эшлибез. Менә бүген без башлангыч сыйныф укучылары белән "Көзге урманга " экскурсиягә бардык. Арабызда химия - биология укытучысы - Габидуллина Миләүшә Хатиповна булу: үсемлекләр, бөҗәкләр турындагы белемнәребезне тагын да баетырга ярдәм итте.  Көзге тоташ яңгырлардан соң "Әбиләр чуагын"да, табигать кочагында рәхәтләнеп ял иттек, табигатьнең матурлыгыннан, гөмбәләрнең төрлелегеннән, саф һавадан ләззәт алдык, һозурландык.

Быел безнең бакчабызга -  8 малай янына  бер кызыбыз өстәлде. Рәхим ит Гөлсу! Без сине бик яратабыз! Синең дә балалар бакчасына, апаларга, балаларга тиз ияләнүеңне , авыртмыйча  яратып бакчага йөрүеңне телибез!

"Белем бәйрәме" уңаеннан без бүген, мәктәптә  тантаналы төстә билгеләп үткән,  линейкада катнаштык. Беренче сыйныфка керүче Салахиев Булатыбызга һәм барлык укучыларга бары тик уңышлар һәм сәламәтлек  телибез.