Бүген мәктәптә студентлар белән очрашу узды. Ике дистәгә якын элеккеге чыгарылыш класс укучылары үзләренең уку йортлары, студент тормышы турында кирәкле һәм шул ук вакытта кызыклы мәгълуматлар җиткерделәр. Ә аннан соң бергәләшеп волейбол ярышында көч сынаштылар. Ни әйтсәң дә студентлар зурлар инде. Укучылар командасын җиңелергә мәҗбүр иттеләр.

Тарих фәне атналыгы кысаларында "Могҗизалар кыры" уены уздырылды. Уенда 8-11 нче класс укучылары катнашты. Уенның төп җиңүчесе Шәмсетдинова Ләйсән. Аңа классташларының алкышлары астында истәлекле бүләк тапшырылды.

11 нче класс укучылары һәр җомга көнне Бибинур Шафиковага (тыл ветераны) шефлыкка йөриләр. Тыл ветеранының хәлен белгәч, аңа хуҗалык эшләрендә булышып алалар. Ә аннан соң Бибинур әби укучыларга яшьлек еллары истәлекләре хакында сөйли. Җор телле әби үзе язган мөнәҗәтләре, бәетләре, такмаклары белән таныштыра. 

9 нчы һәм 11 нче класс укучылары арасында тарихи КВН уздырылды.

Туган төбәгебездә истәлекле урыннар бик күп. Барысының тарихын өйрәнү өчен бик күп вакыт кирәк. Шулай да аз-азлап тарих битләрен ача барабыз. Ачылган битләрен өйрәнәбез, киләчәк буыннарга сөйләп, таныштырып барабаз. Бүгенге класс сәгате дә шул файдалы эшебезнең берсе иде. 5-11 нче класс укучылары өчен " Төбәгебездә Болгар эзләре" класс сәгате узды. Аны тарих укытучысы Хайруллин Р.М һәм 11 нче класс укучысы Каюмов Марат әзерләгән иде.

Мамадыш муниципаль районы ЮХИДИ идарәсенең  Юл хәрәкәте куркынычсызлыгы фонды филиалы җитәкчесе Лилия Никифорова мәктәптә белем алучы укучыларга һәм балалар бакчасында тәрбияләнүчеләргә ут яктысы кайтарткыч беләзек тапшырды. Хәзер безнең һәр укучыда бу беләзек бар. Беләзек хакында тулырак мәгълумат биреп, 11 нче класс укучылары, Марат һәм Илназ, һәр класска кереп тагып чыкты.  Рәхмәт сезгә,Лилия апа!  

Мәктәптә тарих фәне атналыгы башланды. Көн саен төрледән-төрле кичә, класс сәгате уздырыла. Атналыкны уздыруда 11 нче класс укучылары актив катнаша.

Бу алты көнлектә мәктәптә инглиз теле атналыгы узды. Әлеге фәннән белем бирүче Шәмсетдинова Л.А. һәр класс үзенчәлеген истә тотып, берсеннән-берсе кызыклы чаралар әзерләгән иде. "Үз уеным" бәйгесе һәр укучының күңелендә озак сакланыр әле.

Экологик тәрбия юнәлешенең мәктәп тормышыннан юкка чыкканы юк. Табигатькә сакчыл караш тәрбияләү һәр педагогның бурычы. Мәктәпнең әйләнә-тирәсендә үскән юкә агачларында җимлекләр беркетелгән. Һәр җимлекнең үз җавплы кешеләре бар. Беренче генә класста укыса да, Рафил кошлар белән бик дус. Аларның алдына җимнәрне үзвакытында куеп бара. Ә үзе читтән генә елмаеп, кошкайларының тәмле ризыктан авыз иткәннәрен  күзәтеп тора. 

11нче  класста белем алучы укучыларның  әти-әниләре белән индивидуаль формада класс җыелыш уздырылды. Җыелышта күтәрелгән мәсьәләләр: укучыларның мәҗбүри һәм сайлап алу буенча бирелә торган имтиханнарның көндәлек, айлык нәтиҗәләре белән ата-аналарны таныштыру.