20 нче апрель Донорлар көне. Шул уңайдан бүгенге класс сәгатебез әлеге тема буенча үтте. авылыбызның медицина хезмәткәре Галиева Э.И. укучыларга донорның кем икәнлеген, бу көн кайчан һәм ни өчен билгеләп үтелгәне хакында аңлаешлы итеп укучыларга җиткерде.

"Юнармия" членнары авылыбызда яшәүче бердән- бер сугыш ветераны Ахметзянов Фәйзрахман абый гаиләсендә булып кайттты. Сугыш ветераны укучыларга киңәшләр бирде. Яшьлек елларын искә алып сөйләде.

Авылыбыз уртасында урнашкан "Хан коесы" тирәсен язгы читарту эшләре алып барылды. "Юнармия"  членнары бу эштә актив катнашты.

Бөек шагыйребез Габдулла Тукай истәлегенә күргәзмә эшли башлады. Анда Габдулла Тукайның төрле елларда язылган шигырьләр җыентыгы куелган.

Мәктәпнең химия һәм биология укытучысы Фасхутдинова Н.А. 5-11 нче класс укучыларына "Торак экологиясе" темасына класс сәгате уздырды.

"Төрле дәүләт симоликасында үсемлекләр сурәте"  дигән кичә уздырылды. Кичәдә 5-8 нче класс укучылары катнашты.  Шулай ук телдән журнал әзерләнеп, мәктәп укучылары хозурына куелды. 

12 нче апрель-Космонавтика көне. Бүген һәр класста әлеге темага багышланган класс сәгатьләре үтте. Әлеге рәсемдә 8-9 нчы класс укучылары катнашында узган класс сәгате.

Бүген 9-11 нче класс укучылары өчен "Хәзинә артыннан карта буйлап сәяхәт" дип исемләнгән кичә уздырылды. Кичәне география укытучысы Шакирзянов И.Г. әзерләде. Әлеге уен-тамаша "Табигать фәннәре атналыгы" кысаларында уздырыла.

10-15 нче апрель көннәрендә мәктәптә "Табигать фәннәре атналыгы"  үтәчәк. Бүген "Язны сәламли кошлар"  дип исемләнгән тапкырлар һәм зирәкләр кичәсе узды. Аны биология укытучысы Фасхутдинова Н.А. үткәрде. Кичәдә 5- 8 нче класс укучылары катнашты.

Бүген мәктәптә сәламәтлек көне билгеләп үтелде. Башлангыч классларда "Иртәнгә зарядка" һәм "Күңелле стартлар", ә өлкән класс укучылары арасында эстафета үткәрелде.