1 нче февральдән мәктәбебездә укытучыларның методик эш айлыгы башланды. Методик эш айлыгы планы нигезендә укытучылар коллективы белән мәктәпнең методик проблемасы буенча төрле чаралар, педагогик укулар, семинарлар планлаштырылды. Төп тема айлыкта төп мәктәп өчен яңа дәйләт стандартларын өйрәнү һәм практикада сынап карау.

   Гыйнвар аенда мәктәптә рухи - әхлак айлыгы үтте. Бу айлыкны йомгаклап 31 гыйнвар көнне Маһинур абыйстай белән мәктәпкүләм очрашу үткәрелде. Әлеге очрашуда Маһинур абыстай укучыларыбызны акны карадан һәм яхшылыкны яманнан аерырга өйрәтте.

10 нчы февраль көнне Кече Кирмән авыл җирлегендә "Россия чаңгы юллары" бәйрәме үтте. Бу бәйрәмдә 42 укучы, 5 мәктәкәчә яшьтәге балалар, 12 укытучы һәм 8 техник хезмәткәр, 2 ветеран укытучы, 20 ата-ана чаңгыга басты.

11 нче февраль көнне 5 нче сыйныф Гыймазова Лилия "Иң яхшы әйдаман" конкурсының зона турында катнашты. Бу бәйгедә Лилия 3 нче урынны яулады. Гыймазова Лилияне котлыйбыз!

Башлангыч сыйныфка ФГОС кертелү  һәм киләчәктә төп мәктәпкә яңа дәүләт стандартлары керү сәбәпле башлангыч сыйныф укытучыларының тәҗрибәсен өйрәнү максатыннан 12 нче февраль көнне мәктәпкүләм семинар үткәрелде. Мәктәкүләм семинарда ФГОС буенча башлангыч сыйныф укытучыларының тәҗрибәсе өйрәнелде һәм ачык дәресләр күрсәтелде.

17 нче гыйнвар көнне мәктәпкүләм чаңгы ярышы үткәрелде. Чаңгы ярышында 1-9 нчы сыйныф укучылары катнашты. Чаңгы ярышында малайлар арасында 1 урынны алган Насибуллин Динарны, 2 нче урынны алган Фатихов Рәмисне һәм кызлар арасында 1 нче урынны алган Шарифуллина Рүмияне, 2 нче урынны алган Шахиева Лилияне котлыйбыз.

19 нчы гыйнвардан 24 нче гыйнварга кадәр мәктәптә инглиз теле атналыгы үтте. Атналык планы буенча мәктәпкүләм күп кенә чаралар үткәрелде. Инглиз телендә әкият инценировкалары күрсәтелде.

"Ел укытучысы" конкурсы.

16 нчы гыйнвар көнне мәктәбебездә ел укытучысы конкурсы үтте. Бу конкурста барлыгы 9 укытучы катнашты. 9 укытучы арасында башлангыч сыйныф укытучысы Мөбәрәкшина Энҗе Ясәви кызы җиңүче булды. Ул әлеге конкурсның район этабында катнашачак.

Кышкы каникул көннәре мәтәбебездә күңелле үтте. Каникул көннәрендә хоккей мәктәпнең хоккей тартмасында хоккей уйнадык. Спортзалда авыл яшьләре командасы белән мәктәп укучылары  камандасы арасында волейбол һәм баскейтбол ярышлары үтте. Таудан чана шуу буенча рыш үткәрелде.

  Каникул вакытында мәктәптә "Яшь чаңгычы", "Дизайн", "Тылсымлы буяулар", "Спорт уеннары", "Оста куллар" түгәрәкләре эшләде.

  8 гыйнвар көнне 28 укучы Мамадыш шәһәре Боз сараена тимераякта шуырга бардылар.

Физика һәм математика атналыгы.