Бөек Ватан сугышы... Бөек Җиңү... Бу вакыйгалар , андагы батырлыклар 70 еллык тарих катламы астында калды. Ләкин әнә шул катламнар астыннан да әле ул, әлегә исән, әмма сафлары елдан – ел сирәгәя баручы сугыш ветераннары , тыл ветераннары аша безгә аваз сала. Безгә аң булырга куша. Туган туфракны яклап сугышканнар – изге сугыш каһарманнары! Сез һәрчак безнең күңелдә! Сез бүләк иткән тыныч көннәрне саклау өчен без дә көчебезне дә, белемебезне дә, кирәк икән гомеребезне дә кызганмабыз! Бу юллар укучыларның яу кырыннан кайтмый калган авылдашларына язылган хат юлларыннан алынды. “Татар теле һәм әдәбияты” атналыгы кысаларында 8-11 сыйныф укучылыры, Бөек Җиңүнең 70 еллыгына багышлап, Җиңү таңын безгә бүләк иткән ветераннарга хат белән мөрәҗәгать иттеләр. Иң уңышлы дип табылганнары матбугат битләрендә урын алачак.