27 сентябрь көнне мәктәп китапханәсендә, китапханәче Шәйдуллина Голфия Вәли кызы тарафыннан, 6 Б сыйныф укучылары белән “1941 ел күңелләрдә, 1945 ел мәңге онытылмас “ дигән исем астында батырлык дәресе үткәрелде.

Батырлык ул- рухи матурлык… Батырлыкның кылган изге гамәлләре, данлы исемнәре әкиятләргә күчкән, җыр-дастаннарга кергән. Каһарманлык, чорлар аша кичеп, бүгенге көннәргәчә килеп җиткән. Халкыбыз улларының һәм кызларының Бөек Ватан сугушы чорында күрсәткән тиңдәшсез фидакарьлеге дә күңелләрдән мәңге җуелмас. Шул олуг батырлык алдында безнең дәвер кешеләре генә түгел, киләсе гасырларда яшәүчеләр дә башларын исеннәр өчен без, бүгенге чор вәкилләре, патриотик тәрбия өстендә армый- талмый эш алып барырга тиешбез. Укучылар алдындагы бүгенге чыгышымны мин “ 1941 ел күңелләрдә,1945 ел мәңге онтылмас “- дип атадым. Күз яшьле, кан коюлы рәхимсез сугышның соңгы бәрелешләреннән безне ярты гасырдан артык вакыт аерып торса да, аның кайтавазы бүгенгесе көндә дә безнең йөрәкләрдән мәңге китмәс. Бөек җиңүнең 70 еллыгын лаеклы төстә каршы алсак иде, сугышларсыз гына яшәсәк иде киләчәктә дигән изге уй килә күңелләргә.