Мәктәп тормышы умарта күче кебек гөрләп тора. Бигрәк тә бу апрель ае өчен хас күренеш. Нинди генә чаралар үтми! Әле генә, галәм киңлекләрен яулаган булсак, бүген  язучы Таһир  Шамсуаров белән очраштык. Иртәгә инде "Милләтең белән горурлан, халкыңның үзе белән" дип аталган лозунг астында очрашулар булачак, бәйгеләр үтәчәк.Шундый матур чаралар үткәндә мәктәбебезнең китапханәсе читтә кала алмый билгеле. Бәйрәмнәргә ямь өстәп, укучыларда китапка кызыксыну уяту максатыннан күргәзмәләр оештыра. Бүген, яраткан, хөрмәтле, язучыбыз Габдулла Тукай әсәрләренә күргәзмә оештырылды.