Халыкара Туган тел көненә багышланган чараларның берсе-“Туган телем-тиңсез хәзинә”дигән КВНда 9а сыйныф укучылары бик теләп катнашты.Бәйгенең максаты: сүз байлыгын үстерү, туган телгә мәхәббәт тәрбияләү, укучыларда тапкырлык сыйфатлары, йөгерек фикерләү күнекмәләре, игътибарлылык формалаштыру.

КВНда “Зирәкләр” һәм “Акыл ияләре” командалары көч сынашты.Уенчылар тапкырлык, зирәклек таләп итүче табышмак-сорауларга җавап биреп кенә калмадылар, бирелгән хәрефләрдән мәкальләр җыйдылар, татарча фразеологизмнарның рус телендәге парларын да эзләп таптылар.Өй эше итеп бирелгән бирем дә иҗади фикерләүне таләп итә: укучылар тел турында берәр мәкальне ребус формасында әзерләп, икенче командага тәкъдим итәргә тиеш иде. Чара барышында командалар татар халык әкиятләрен, җырларын искә төшерүгә багышланган кызыклы сораулар һәм биремнәр үтәделәр.КВНда “Акыл ияләре” командасы җиңү яулады.