Туган теле белән горурланган һәркемне әлеге зур бәйрәм белән тәбрик итәбез! Бу бәйрәм телләр һәм мәдәният төрлелеген сакларга, үстерергә чакыру буларак яңгырый, башка милләт кешеләренең телләрен ихтирам итәргә, кадерләргә өйрәтә. Шушы уңайдан мәктәбебездә төрле чаралар үтте. 21 нче февраль көнне 5-8 нче сыйныфлар көче белән Халыкара туган тел көненә багышланган бәйрәм концерты узды. 5 нче сыйныф укучылары туган тел турында шигырьләр сөйләделәр, 6 -7 нче сыйныф укучылары ”Бөрлегәнем”,”Туган тел”, “Туган як”, “Мин яратам сине, Татарстан” җырларын башкардылар, ә 7-8 нче сыйныф укучылары тамашачыларны татар һәм рус халкы биюләре белән куандырды. Татар һәм рус телендә яңгыраган шигырьләр , җырлар, биюләр күпләрнең күңеленә хуш килде. Бәйрәм Г.Тукайның "Туган тел" җырын күмәк җырлау белән тәмамланды.