18 нче октябрь көнне В.П. Чкалов исемендәге башлангыч мәктәбтә  “Бердәмлек” көненә багышланган күргәзмә булып узды. Бу чараны мәктәп  китапханәчесе Шәйдуллина Голфия оештырды. Бәйрәмне оештыруда  авыл балалар китапханәчесе Загрутдинова Светлана, 4б сыйныфы укучылары һәм сыйныф җитәкчесе Сайфиева Равия, кунагыбыз Якупова  Люция ярдәм итте. Бу чара укучыларда кеше хезмәтенәсакчыл караш, зәвык белән эшәнгән кул эшләренә хөрмәт тәрбияләргә ярдәм итте.

                Үткәннәр бит үткән көннәр  инде,

                 Бүгенге көн кыйммәт гел, дибез,

                 Бүгенге көн дә бит, бер уйласаң

                 Үткән көнгә кайтыр көнебез.

                 Нәрсә ул көн... Тарих битләрендә,

                 Еллар... Эраларга тиң түгел.

                 Гасырлардан гасырларга  шулай

                 Кеше гомере дә бер мизгел.

                Мизгел өчен көрәш кайный җирдә

                  Мирас кала буын – буыннан...

                  Борынгылар - гомер хәзинәсе,

                 Ата – аналардан, борыннан.

                 Борынгыга кайта – кайта яшик,

                 Чишмә башы шуннан башлана.

                 Борынгылар чишмәсен корытсак,

                 Барын кирәк юктан башларга.

Әйе, үткәннәрне онытырга безнең хакыбыз юк! Буыннар чылбыры югалмасын,  гореф гадәтләребезне онытмыйк,  дип, без авылыбызның күп балалы әнисен – Якупова Люция Зәки кызынын кунакка дәштек. Ул керәшен халкы мәдәнияте турында сөйләде. Һәм мәктәп кыссаларында  үзенең шәхси күргәзмәсен оештырды. Укучылар  бик кызыксынып күргәзмә белән таныштылар. Күргәзмәгә Люция ханым үзенең әбисенең, әнисенең,үзенең һәм кызының кул эшләрен алып килгән иде.