14 май көнне, шәһәр мәгариф бинасында төрле дәрәҗәдәге олимпиадада алдынгы урыннар алган укучыларны,аларның әти- әниләрен, әзерләүче укытучыларны тантаналы котлау чарасы булды. Тантанага килгән кунакларны мәгариф бүлеге җитәкчесе Вагиз Самиуллович котлап Рәхмәт  хаты тапшырды, матур теләкләр юллады. Әлбәттә, быелгы уку елы бик уңышлы булган. 
      Бу истәлекле чарада безнең мәктәптән 4 сыйныф укучысы Гилязова Илсия һәм туган тел укытучысы Алсу Вил кызы да катнашты. Илсиябез мәктәп, район олимпиадасында җиңеп, Республика олимпиадасында да сынатмады, призер булды. Без аның уңышларына шатланабыз һәм яңа җиңүләр телибез. 
       Бу истәлекле көн барысының да күңелендә озак сакланыр, чөнки син яулаган җиңү- уртак җиңү, уңышларың белән уртаклашу, киләчәккә илһам алу. Шулай ук, кунаклар алдында күңелле биюләр, дәртле җырлар, мактау сүзләре җиткерүче алып баручыларның чыгышлары да тантанага ямь өстәде.

Кадерле Бөек Ватан сугышы ветераннары һәм тыл хезмәтчәннәре!
Бөек Җиңү көне уңаеннан, иң җылы теләкләрне кабул итеп алыгыз. Бу бәйрәм һәрберебез өчен бик кадерле. Һәр кеше күңелендә ул хәтер, дан һәм милли горурлык билгесе булып саклана. 9 Май - Ватаныбызга тугрылык саклап, илебезне фашизмнан саклап калганнарны искә алу көне. Бу көнне без Бөек Ватан сугышы ветераннарын, фронт һәм тыл хезмәтчәннәрен, полкташларны, сугыш кырларында геройларча көрәшеп, җиңүне якынайткан һәркемне искә алабыз. Безгә Җиңү бүләк иткәнегез өчен сезгә, кадерле ветераннар, зур рәхмәт. Сезнең батырлык безнең күңелләрдә генә түгел, ә балалар һәм оныклар күңелендә дә мәңге сакланыр!
Җиңү көне күңелләрегездә якты бәйрәм, батырлык һәм кыюлык үрнәге булып саклансын. Бөек Ватан сугышы елларындагы батырлыгыгыз алдында баш иябез. Һәрбарчагызга тыныч тормыш, бәхетле картлык, сәламәтлек һәм якты өметләр телибез!

7 май көнне, Бөек Җиңү бәйрәме һәм обелиск ачу уңаеннан, Югары Чыршылы авылында митинг узды. Бу чарада Түбән Чыршылы мәктәбенең 8 сыйныф һәм шушы авылда яшәүче укучыларыбыз катнашты. Алар авыр сугыш елларында батырлык күрсәткән сугыш һәм тыл ветераннарына нәфис сүз, моңлы җырлар бүләк иттеләр. Килгән кунаклар укучыларның чыгышларын җылы кабул итеп, матур теләкләр теләделәр.

Бөек Җиңү бәйрәме якынлашуга шәһәр һәм районнарда митинглар башлана. Шушы уңайдан Түбән Чыршылы мәктәбендә күркәм чара узды. Бу чарага Лениногорск шәһәре башлыгы урынбасары Михайлова Зөлфия Габделхәмәт кызы, авыл советы рәисе Нурия Яхъя кызы, ветераннар советы рәисе Рәисә Гасим кызы, авылдаш абый-апалар да килде. Кызганыч, сугыш ветераннары берсе дә юк инде. Алар истәлегенә бер минут тынлык игълан итеп, бәйрәмебез башланып китте. Килгән кунаклар барысы да сугыш күрсәткән авырлыклар, җиңүне якынайткан батырлыклар турында сөйләделәр. Шулай ук, укучылар үз чыгышларында ялкынлы җырлар, сугыш, тыл ветераннары турында онытылмас шигырьләр, рәхмәт сүзләре юлладылар, үзләре ясаган чәчәкләрне килгән кунакларга бүләк иттеләр. Бәйрәмне тәмамлап, мәктәп җитәкчесе Гөлия Камил кызы килгән кунакларга рәхмәт белдерде, ә укучыларга үткәннәрне онытмаска, тырышып укырга, авылның патриотлары булып үсүләрен теләде. Соңыннан барлык катнашучылар белән берлектә, Җиңү аллеясында сугыш кырларында башларын салган авылдашларга хөрмәт йөзеннән веноклар куелды. Бөек Җиңүгә 79 ел булса да, ул онытылмый, һәр гаилә сугыш хатирәсен саклый, мәрмәр ташларда уеп язылган исемнәр онытырга ирек бирми. Хәзерге вакытта барган хәрби операциядән сугышчыларның да тиз көннәрдә җиңү яулап, гаиләләренә кайтуларын телибез. Ил- көннәребез тыныч, күгебез аяз, гаиләләр бәхетле булсын.

В преддверии 79-й годовщины Победы в Великой Отечественной войне окна нашей школы украсили изображениями вечного огня, красных гвоздик, белых голубей и другими символами праздника. Ученики и учителя вырезали из бумаги и картона аппликации и рисовали тематические рисунки. Затем использовали все это в оформлении окон и создали настроение праздника.Также проходят тематические классные часы, встречи с ветеранами, различные мероприятия, приуроченные ко Дню Победы.

2023-2024 уку елы дәвамында мәктәпнең спорт командасы район укучылары арасында төрле ярышларда күп уңышлар яуладылар. 4 май көнне ярышлар сезоны футбол уены белән тәмамланды.

Хөрмәтле милләттәшләр! Сезне барыгызны  да яшел чирәмнәре шытып чыккан, каеннары яфрак ярган яз бәйрәме 1 май белән котлыйбыз. Яз сулышы күңелегезгә нур өстәсен. Бәхет кояшы көннән-көн яктыра барсын, йөрәгегез хискә тулсын, һәрвакыт яшь булсын. Гомерегез дә яз көне кебек якты, кояшлы, аяз күкле, нурлы булсын.

27 апреля в МБОУ "Нижнечершилинская ООШ" прошел  "Единый урок ОБЖ" . Команда ЮИД школы напомнила о ПДД в праздничные дни.  Так же проведена учебная эвакуация и беседа, как правильно вести себя в ЧС, различного рода экстремальных и опасных ситуациях, в местах массового прибывания людей, чтобы сохранить здоровье, жизнь.

25 нче апрель көнне, Бөек  җиңүнең 79 еллыгын каршы алырга әзерләнгән көннәрдә,  Түбән Чыршылы авыл җирлеге башлыгы Н.Я.Хайруллина 4 сыйныф  укучылары белән берлектә Түбән Чыршылы, Югары Чыршылы авылларында яшәүче тыл ветераннарының хәлләрен белешеп, котлап чыктылар. Укучылар  якынлашып килүче Бөек Җиңү бәйрәме белән котлап, күчтәнәчләр  тапшырдылар. Очрашу барышында тыл ветераннары сугыш чорында тылдагы хезмәтләре турындагы хәтирәләре белән уртаклаштылар һәм бүгенгесе көндә ничек яшәүләре турында сөйләделәр.  Ветераннарыбыз барыбызга да сәламәтлек һәм ил-җирләребезгә тынычлык теләп калдылар.