Бүген - 19 декабрь көнне Шөгер урта мәктәбендә башлангыч сыйныф укучылары муниципаль конкурста катнашты. Анда 1, 2 һәм 3, 4 сыйныф укучылары, һәркайсы үз төркемендә, сәнгатьле итеп шигырь сөйләү конкурсында көч сынашты. Жюри әгъзалары балаларның сәнгатьлелегенә, сәхнәдә тотышларына, дөрес сөйләменә игътибар итте. Безнең мәктәп данын яклап та укучылар катнашты. 2 сыйныф укучысы Савельев Егор лауреат, ә Черашов Руслан номенант булды. Җитәкчеләре: Ганиева Г. Ә.

Татар теле фәне буенча Республика олимпиадасының муниципаль этабында 8 сыйныф укучысы Вильданова Алисә җиңүче,  5 нче сыйныф укучысы Вилданова Лилия, призер, 8 сыйныф укучысы Зиятдинова Адилә призер, 9 сыйныф укучылары Ахмадиев Азамат призер, Хасаншин Әлфис призер булдылар. (Җитәкчеләре Муллагалиева Алсу Вил кызы) Афәрин укучылар! Чын күңелдән котлыйбыз, алга таба да уңышлар телибез!

12 декабря в Нижнечершилинскую школу приехали психологи  центра "Надежда" (г. Лениногорск) и провели тренинги, анкетирования и беседы. Психологи работали с учениками школы. Для учащихся провели занятия по теме взаимоотношений со сверстниками, учителями, родителями.

9 декабрь - Ватан геройлары көне. "Разговор о важном" циклының дүшәмбе дәресе Ватаныбыз алдында батырлык күрсәткән геройларга багышланды. 8 сыйныф укучылары видеоязмалар аша бу истәлекле датаның килеп чыгу тарихын, Екатерина   патша вакытыннан ук килгән геройларны, төрле вакытта эшләнгән батырлыклар турында белделәр. Батырлар үлмиләр,алар үлемсез!

Ватан Геройлары көне уңаеннан, Түбән Чыршылы мәктәбенең 2-7 сыйныф укучылары авылның Хезмәт һәм Дан музеенда булдылар. Бу истәлекле көнне яшь буын яхшы белергә тиеш. Ватан геройлары исемен йөртүче һәр каһарманның язмышы яшь буынга билгеле һәм үрнәк. Авыл музеенын бер өлеше Советлар Союзы Герое - Әкрәм Хаертдиновка багышлана. Николаев шәһәре өчен башларын салган батырлар турында материаллар, моряк киемнәре, фотолар саклана. Шулай ук авылдан Бөек Ватан, Әфганстан, Чечня бәрелешләрендә катнашкан авылдашлар турында язмалар да бар. Хезмәтләре белән дан казанган, югары үрләр яулаган авылдашлар турында да белделәр."Геройлар турында күбрәк белергә, алар белән горурланырга кирәк", - диде музей җитәкчесе Рәисә апа Сафина.

5 декабрь көнне Түбән Чыршылы авыл китапханәсендә китап укучылар конференциясе булды. Бу чарага лаеклы ялда булган ветеран укытучылар, мәктәп укытучылары һәм авылдашлар чакырылган иде. Бөек язучы Аяз Гыйләҗев иҗатына багышланган чарага һәрберсе әзерләнеп килгән. Китапханә мөдире Рәисә Гасим кызы Аяз Гыйләҗевның тормышы һәм иҗаты турында таныштырып китте. Кичәне оештыручы Резидә Рәис кызы олуг язучы турында матур фикерләр әйтте һәм үзе укыган "Җомга көн кич белән " әсәренә тукталды. Калган кунаклар да үзләре укыган повесть турында фикерләрен белдерделәр, язучының яшәеш өчен кирәкле булган цитаталарын укып күрсәттеләр. Кыскасы, әзерлек чорында язучы геройлары белән яшәделәр. Аяз Гыйләҗев үзенең  әсәрләрендә сугышның афәтен,тылдагы халыкның михнәтен, тормыш бөтенлеген, күңел саранлыгын, кешенең сафлыгын туганлыкның олылыгын күрсәтә белүче сүз остасы. Әлбәттә, әсәрләр язылу чоры кунак апаларның яшьлек чорларында язылган, андагы геройлар язмышы аларныкы белән охшаш. Шуңа күрә әсәрләр белән таныштырганда, үзләренең тормышларыннан мисаллар китерделәр, әти- әниләренең язмышларын искә төшергәндә күзләр яшьләнде. Әйе, Аяз Гыйләҗев иҗаты елата да, көлдерә дә, уйга да сала. Тик шулай да татар халкының батырлыгын, чыдамлыгын, сафлыгын, киләчәк язмышын алгы планга куя. Соныннан йомгаклап, физкультура укытучысы Әнисә Бинарис кызы китап укуның сәламәтлек өчен файдалы якларын да санап китте. Кичәдә катнашкан һәр апага һәм оештыручыларга олы рәхмәт белдерәбез.

Инвалидлар декадасы уңаеннан Түбән Чыршылы мәдәният йортында чара узды. Бу чарада Түбән Чыршылы мәктәбенең 5, 7, 8 сыйныф укучылары да катнашты. Алар кунак булып килгән абый- апаларга җылы сүзләр, матур җырлар, дәртле биюләр бүләк иттеләр.