Биология укытучысы Шакирова А.М.  "Кто вы, палочки Коха?" дигән ачык дәрес булды. 

 6 март көнне  кызлар һәм егетләр “Кыш һәм Яз ярыша” бәйгесендә көч сынаштылар. Ярышта җитезлек, уңганлык, татар халкының җырларын һәм мәкальләрен белү таләп ителде. 

5 март көнне  укучылар арасында, 8 Март- Яз бәйрәме уңаеннан, күңелле КВН үткәрелде. Бәйгедә укучылар тапкырлыкта, җитезлектә көч сынаштылар

Кешелекнең иң мөлаем затлары – сеңел-апаларыбыз, әниләребезнең, әбиләребезнең, тулаем әйткәндә, гүзәллеккә, чибәрлеккә, мәрхәмәтлеккә, түземлеккә дөньяда тиңнәре булмаган гүзәл, сөйкемле хатын-кызларыбыз бәйрәме – 8 нче март – иң олугъ, иң затлы бәйрәмнәребезнең берседер.

Хөрмәтле сеңел-апаларыбыз, әниләребез, әбиләребез! Сезне барыгызны да көтеп алган бәйрәмегез белән чын йөрәктән котлыйбыз! Барыгызга да нык сәламәтлек, укуыгызда һәм эшегездә зур уңышлар, күңел тынычлыгы, гаилә тигезлеге, матур киләчәк телибез. Һәр аткан таң сезгә бәхет китерсен.

25  нче февральдә мәктәптә Бөек Җиңүнең 70 еллыгына багышланган хәрби-патриотик җыр һәм стройда йөрү смотры узды. Укучылар хәрби командаларны төгәл үтәү,  стройда җыр белән йөрү осталыкларын күрсәттеләр. Гомуми нәтиҗәләр буенча  җиңүче команда да  табылды.

Бөек җиңүнең 70 еллыгын каршылауга багышланган чаралар планы кысаларында 20 февральдә  “Күңелле стартлар” уены үткәрелде. Бәйгедә укучылар зирәклектә, җитезлектә көч сынаштылар, укытучы ир-атларны Ватанны саклаучылар көне белән тәбрикләделәр.

 Гарифҗанова Чулпан рус теле,  Сиразетдинова Айгөл рус әдәбияты буенча республика олимпиадасында призер булып кайттылар. Кызларны һәм аларның укытучылары Гүзәл Хәлимовнаны бу җиңүләре белән котлыйбыз. Аларга сәламәтлек, укуларында, эшләрендә зур уңышлар теләп калабыз.

       Бөек җиңүнең 70 еллыгын каршылауга багышланган чаралар планы кысаларында 17 нче февральдә мәктәптә каһарман шагыйрь Муса Җәлил исемендәге шигырь бәйрәме үткәрелде. Кичәдә укучыларга шагыйрь һәм аның көрәштәшләренең батырлыгы  турында мәгълүмат бирелде, шагыйрьнең шигырьләрен сәнгатьле уку бәйгесе узды.  Бәйгедә җиңгән  Касыймов Кәрим районда шигырь сөйләүчеләр ярышында мәктәп данын яклаячак.

В МБОУ "СОШ с.Псяк" 20 февраля был проведен Урок Мужества посвященный Дню Защитника Отечества 

 Гарифҗанова Чулпан татар теле буенча уздырылган олимпиаданың республика турында призер булып кайтты. Чулпанны һәм аның укытучысы Галимуллин Илназ Робертовичны бу җиңүләре белән котлыйбыз,  алга таба да зур уңышлар теләп калабыз.