Бүген табигатькә экскурсия оештырылды. Төрле дару үләннәре җыйдык. табигатьтә төрле уеннар уйнадык. Бераз ял иткәч " Минем яраткан героем" дигән темага рәсем конкурсы үткәрелде.

Бүген балалар белән төрле хәрәкәтле уеннар уйнадык. " Иң оста әкиятче " конкурсы кызыклы үтте. Балалар откан әкиятләрен сөйләделәр, рәсемнәр ясадылар.

Лагерьда һәр иртә гимнастик күнегүләр белән башланып китә. Буген " Кояш, һава һәм су" темасына әңгәмә үткәрелде. " Әйдәгез, танышыйк !" дигән тема астында түгәрәк өстәл артында сөйләшүләр үтте.

5 июнь көнне Олыяз мәктәбе каршында " Каенкай " ял һәм сәламәтлек лагерын ачу тантанасы булды. Лагерьга барысы 50 бала йөри. Алар белән 4 тәрбияче һәм 1 физрук эшли.

27 май көнне башлангыч сыйныф укучылары табигать кочагында ял иттеләр. Төрле уеннар уйнадылар, конкурслар үткәрелде. Балалар бик актив ял иттеләр. 

Тәмамланды тагын уку елы, 

Шатлыклы көн бүген мәктәптә. 

Тыңлаулары соңгы звонокны

Кыен кебек, һәм ул рәхәт тә. 

 Буген 11нче сыйныф укучысы өчен соңгы кыңгырау чыңлады. Алда әле 11 сыйныфларның БДИ һәм 9 сыйныф укучыларыныңТДИ  тапшырасылары бар. Уңышлар сезгә укучыларыбыз!  

12 май көнне мәктәптә "Бердәм экологик дәрес" үткәрелде. Дәресне Биология һәм химия укытучысы Фаляхова Илүсә Рәисовна үткәрде. Әйләнә-тирәбездә экологияне яхшырту максатыннан агач утырту акциясендә катнаштык. 

Язның яхшылык эшләү атнасында башлангыч сыйныф укучылары балалар бакчасында Г. Тукайның " Өч теләк" әкиятен сәхнәләштереп күрсәттеләр, сәнгатьле шигырьләр сөйләп, бәйрәмне " Туган тел" җыры белән тәмамладылар.  

Чишмәләр- барлык төр сулыкларның башлангычы, тукландыра торган чыганагы. Чишмә яшәүдән туктаса, елга күлләрдә су бетәчәк, авылда ямь калмаячак. Шуны истә тотып 30 апрель көнне мәктәп укучылары Олыяз, Балыклы, Казаклар авыллары чишмә территориясен жыештырдылар. 

Пожар куркынычсызлыгы буенча укучыларының иҗади эшләре конкурсының муниципаль турында Ибрагимова Диләрәне 3нче урынны алуы белән котлыйбыз. Алга таба уңышлар сиңа, Диләрә!