МБОУ "Старочечкабская основная общеобразовательная школа Кайбицкого муниципального района Республики Татарстан"/ МБГБУ "Татарстан Республикасы Кайбыч муниципаль районы Иске Чәчкаб төп гомумбелем бирү мәктәбе"
Визитная карточка
Адрес: | 422330, РТ, Кайбицкий район, село Старые Чечкабы, ул. Центральная, д. 57 |
Телефон: | +7(843)-703-08-57 |
E-Mail: | sch1496@rambler.ru; Schkb.kbc@tatar.ru |
Министерство: | Министерство образования и науки Республики Татарстан |
Короткое название: | МБОУ "Старочечкабская ООШ" |
Руководитель: | Калимуллин Айрат Азатович |
Год основания учреждения: | 1990 |
У нас учатся: | 34 учащихся и 9 воспитанников/ 34 укучы һәм 9 тәрбияләнүче бала |
У нас учат: | 11 учителей и 1 воспитатель/ 11 укытучы һәм 1 тәрбияче |
МБОУ "Старочечкабская основная общеобразовательная школа Кайбицкого муниципального района Республики Татарстан"/ МБГБУ "Татарстан Республикасы Кайбыч муниципаль районы Иске Чәчкаб төп гомумбелем бирү мәктәбе" - новости
Страницы: << ( 71 ) 72 73 74 75 76 77 78 79 80 >>
-
Мәктәпкүләм ата-аналар җыелышы
12.11.2016
Бүген 1 нче чирек нәтиҗәләре буенча мәктәпкүләм ата-аналар җыелышы узды. Җыелышның темасы: "Балаларның куркынычсызлыгын тәэмин итү. Юлда балалар катнашында юл һәлакәтләрен булдырмау өчен ата-аналар тарафыннан башкарылырга тиешле профилактик чаралар". Әлеге темага тәрбия эшләре буенча директор урынбасары Гильманова Э.Р. чыгыш ясады. 9 нчы сыйныф укучыларының әти-әниләре белән "2017 елгы имтиханар" дигән темага аерым сөйләшү булды. Әлеге утырышта имтихан бирәсе фән укытучылары ата-аналарга үз фәннәреннән имтихан тапшыру үзенчәлекләре һәм балаларның имтиханнарга әзерлек дәрәҗәләре белән таныштырдылар.
-
Республикакүләм бәйгедә катнаштык
10.11.2016
Бүген Буа шәһәрендә бөек драматург, артист, режиссёр Кәрим Тинчуринның тууына 129 ел тулу һәм татар театрының 110 еллыгы уңаеннан мәктәп укучылары арасында үткәрелә торган республика бәйгесенең зона этабы узды. Әлеге бәйгедә безнең мәктәптән "Спектакльдән җыр" номинациясендә "Салават күпере" вокаль ансамбле кызлары (җитәкчеләре Габидуллина Л.Ә.), "Монолог" номинациясендә 8 нче сыйныф укучысы Хөсәенова Ләлә (җитәкчесе Гильманова Э.Р.) чыгыш ясап кайттылар. Балаларның иҗатын мәртәбәле жюри — Татарстанның халык артисты Зөфәр Харисов һәм Татарстанның атказанган артисты Шамил Фәрхетдинов бәяләде. Бәйгегә нәтиҗәләр калган зона этаплары үткәннән соң ясалачак. Гала концерт 29 нчы ноябрьдә Кәрим Тинчурин театры бинасында узачак.
-
6 нчы ноябрь- Татарстан Республикасы Конституциясе бәйрәме
06.11.2016
Татарстан Республикасы Конституциясен кабул итү көне 1992 елдан башлап билгеләп үтелә. Бу бәйрәм республика Төп Законының аерым әһәмиятен, дәүләтнең һәм җәмгыятьнең законлылыкны һәм хокук тәртибен ныгытуга омтылышын гәүдәләндерә.
Һәр бәйсез дәүләтнең үз Конституциясе була. Конституция — төп закон ул. Анда дәүләтнең иҗтимагый, икътисадый корылыш нигезләре, гражданнарның хокуклары һәм бурычлары билгеләнгән. Татарстан Республикасы Конституциясе 1992 нче елның 6 нчы ноябрендә кабул ителгән. Конституциядә әйтелгәнчә, Татарстан — демократик дәүләт. Анда барлык хакимият халык кулында. Җир, су, урман һәм башка табигать байлыклары, дәүләт бюджеты акчалары, дәүләт банклары активлары, мәдәни һәм тарихи хәзинәләр — бөтенесе халык байлыгы. Хөрмәтле татарстанлылар, райондашлар барыбызны да шушы уртак бәйрәмебез белән котлыйбыз!
-
Халыклар бердәмлеге көне
04.11.2016
4 ноябрь – Халыклар бердәмлеге көне. “Бердәмлек“ төшенчәсе туплану, берләшү мәгънәсенә ия. Халкыбызга элек-электән хас сыйфат бу. Нәкъ менә бердәмлек, татулык күп кенә авырлыкларны җиңеп чыгарга, дошманнарга каршы торырга ярдәм иткән, илебезнең тынычлыгына, мөстәкыйльлегенә китергән.
Бу көн – илебез тарихына хөрмәт белдерү һәм аның данлыклы традицияләрен дәвам иттерүнең бер күркәм билгесе. Дәүләт күләмендәге бу бәйрәм 1612 елгы тарихи вакыйгаларга барып тоташа. Халыкара бердәмлек көне буларак, 2005 елдан билгеләп үтелә.
Тарихта эз калдырган бу көннәрдә безнең ата-бабаларыбыз – төрле милләт, дин һәм төрле катлам вәкилләре – бер булып, уртак Ватаныбызны чит илбасарлардан азат иткән. Төрле милләт кешеләренең иң югары максатларга ирешү өчен берләшүе, Ватанга карата чиксез мәхәббәте һәм ватанпәрвәрлеге илебезгә тарих сынауларын җиңеп чыгарга ярдәм иткән. Барыбызны да Халыклар бердәмлеге көне белән чын күңелдән котлыйбыз!
-
Көзге каникуллар башланды
01.11.2016
Ниһаять укучыларның көтеп алынган каникуллары башланды. Әмма мәктәп балалар тавышыннан тынып тормый- түгәрәкләр расписание буенча эшли, "Салават күпере" вокаль ансамбле кызлары чираттагы конкурска әзерләнә.... Ә менә 9 нчы сыйныф укучылары сынаулык имтиханнары тапшыралар. Кичә ирекле сайланган фәннәрдән тапшырсалар, бүген инде математикадан. Чиратта рус теле һәм татар теленнән сынаулык имтиханнары. Халкыбыз мәкале "Уңышны көзен саныйлар" дисә дә, мәктәпләрдә уңышны язын саныйлар шул. Шуңа көздән үк тырышып-тырмашып укырга, имтиханнарга әзерләнергә, консультацияләргә вакытында йөрергә кирәк.
-
Интернет челтәрендә куркынычсызлык дәресләре
29.10.2016
Октябрьнең соңгы атнасында мәктәбебездә Интернет челтәрендәге куркынычсызлык турында бердәм дәресләр узды. Әлеге дәресләр 1-5 нче һәм 7 нче сыйныфларда сыйныф сәгате формасында, ә 8-9 нчы сыйныфларда тематик дәрес формасында информатика дәресе кысаларында узды. 6 нчы сыйныфта узган дәрестә исә Кайбыч районы башкарма комитетының балигъ булмаганнар арасында хокук бозуларны һәм гаилә уңышсызлыкларын профилактикалау инспекторы Әхмәтова Лилия Шәүкәт кызы катнашты. Информатика укытучысы Гильманова Энҗе Ринат кызы белән укучыларга Интернет киңлекләрендә янаган куркынычлар хәлләр турында сөйләделәр, аларны кисәтү юлларын күрсәттеләр. Дәрес ахырында Лилия Шәүкәтовна укучыларга буклетлар таратты.
-
Кәрим Тинчуринның тууына 129 ел
20.10.2016
17 нче октябрьдә районыбызның мәктәптән тыш эшләр үзәгендә бөек драматург, артист, режиссер Кәрим Тинчуринның тууына 129 ел тулу һәм татар театрының 110 еллыгы уңаеннан үткәрелгән конкурсның муниципаль этабы узды. Әлеге конкурста безнең мәктәптән 8 нче сыйныф укучысы Шәмсетдинов Илназ (җитәкчесе Гайнетдинова А.Г.) "Монолог" номинациясендә Кәрим Тинчуринның "Сүнгән йолдызлар" пьесасыннан Надир мәхдүм образын сурәтләп 2 нче урынга лаек булды. "Салават күпере" вокаль ансамбле кызлары (җитәкчеләре Габидуллина Л.Ә.) исә "Спектакльдән җыр" номинациясендә Кәрим Тинчурин сүзләренә Салих Сәйдәшев көен иҗат иткән "Без кабызган утлар" җырын башкарып 1 нче урынны яуладылар. Укучыларыбызны әлеге уңышлары белән чын күңелебездән котлыйбыз, җитәкчеләргә рәхмәтебезне белдерәбез! 10 нчы ноябрьдә Буа дәүләт драма театрында әлеге конкурсның Республикакүләм этабы узачак. Әлеге этапта районыбыз данын яклап катнашачак "Салават күпере" вокаль ансамбленә уңышлар телибез!
-
Мәгариф хезмәткәрләренең җәйге Спартакиадасы
18.10.2016
15 нче октябрь көнне Саба районында Татарстан Республикасы мәгариф хезмәткәрләренең җәйге Спартакиадасының финалы узды. Районыбызның укытучылар командасы укучылар саны 3500 кешегә кадәр булган 24 район арасында гомуми 3 нче урынны яулап кайтты. Әлеге җиңүгә безнең мәктәпнең физик тәрбия укытучысы Хәйретдинова Лилия Рифкать кызы да үз өлешен кертте. Хатын -кызлар арасында бадминтон ярышында шәхси беренчелектә ул шулай ук 3 нче урынга лаек булды. Районыбыз командасын һәм үзебезнең Лилия Рифкатовнаны әлеге җиңүләре белән котлыйбыз!
-
"Минем яраткан укытучым" бәйгесе
15.10.2016
IV нче республикакүләм "Минем яраткан укытучым" ("Мой любимый учитель") конкурсының муниципаль этабында "Рәсем" номинациясендә безнең мәктәптән 2 укучының эше катнашты. Болар, 2 нче сыйныф укучысы Гирфанова Нәзилә (җитәкчесе Хәсәнова Ф.Г.) һәм 1 нче сыйныф укучысы Кәлимуллина Ясминә (җитәкчесе Гыйләҗева Г.И.) рәсемнәре. Кәлимуллина Ясминәнең эше муниципаль этапта "кечкенәләр төркеме"ндә 1 нче урынны яулады, әлеге эш конкурсның республика этабында катнашачак. Укучыларга һәм аларның җитәкчеләренә рәхмәтләребезне белдерәбез!
-
"Минем яраткан укытучым" бәйгесе
13.10.2016
11 нче октябрь көнне "Мәктәптән тыш эшләр үзәге"ндә IV нче республикакүләм "Минем яраткан укытучым" ("Мой любимый учитель") конкурсының муниципаль этабы үтте. Укытучы һөнәренең статусын арттыру һәм укытучыларга карата ихтирам тәрбияләү максатыннан үткәрелгән конкурс 2 номинациядә барды. Шигырь сөйләү номинациясендә безнең мәктәптән 3 укучы катнашты, шулардан 3 нче сыйныф укучысы Гирфанова Газизә (җитәкчесе Мөхетдинова А.Н.) кечкенәләр төркемендә, үзе язган "Укытучыма" шигыре белән катнашып 2 нче урынга лаек булды, ә 8 нче сыйныф укучысы Хөсәенова Ләлә (җитәкчесе Гильманова Э.Р.), урта яшьтәгеләр төркемендә, Энҗе Мөэминованың "Синең бәхет җиңел бәхет түгел" шигыре белән чыгыш ясап 1 нче урынны яулады. Укучыларыбызны котлыйбыз, киләчәктә зур уңышлар телибез!