МБОУ "Старочечкабская основная общеобразовательная школа Кайбицкого муниципального района Республики Татарстан"/ МБГБУ "Татарстан Республикасы Кайбыч муниципаль районы Иске Чәчкаб төп гомумбелем бирү мәктәбе"
Визитная карточка
Адрес: | 422330, РТ, Кайбицкий район, село Старые Чечкабы, ул. Центральная, д. 57 |
Телефон: | +7(843)-703-08-57 |
E-Mail: | sch1496@rambler.ru; Schkb.kbc@tatar.ru |
Министерство: | Министерство образования и науки Республики Татарстан |
Короткое название: | МБОУ "Старочечкабская ООШ" |
Руководитель: | Калимуллин Айрат Азатович |
Год основания учреждения: | 1990 |
У нас учатся: | 34 учащихся и 9 воспитанников/ 34 укучы һәм 9 тәрбияләнүче бала |
У нас учат: | 11 учителей и 1 воспитатель/ 11 укытучы һәм 1 тәрбияче |
МБОУ "Старочечкабская основная общеобразовательная школа Кайбицкого муниципального района Республики Татарстан"/ МБГБУ "Татарстан Республикасы Кайбыч муниципаль районы Иске Чәчкаб төп гомумбелем бирү мәктәбе" - новости
Страницы: << 121 ( 122 ) 123 124 125 126 127 128 129 130 >>
-
"Без инде зур үстек- 5 кә күчтек!" 14.12.2012
Кичә, 13 нче декабрь көнне 5 нче сыйныф җитәкчесе Гайнетдинова А.Г. "Без инде зур үстек- 5 кә күчтек!" дип исемләнгән ачык сыйныфтан тыш чара күрсәтте. Әлеге чарада укучыларның әти-әниләре, беренче укытучылары Мөхетдинова А.Н. һәм кайбер фән укытучылары катнашты. 5 нче сыйныф укучыларының әти- әниләре белән якыннарак танышу, тыгыз бәйләнешләр булдыру максатыннан оештырылган әлеге кичә бик күңелле узды. Әти- әниләр өчен төрле уеннар оештырылган булса, укучылар концерт номерлары белән чыгыш ясадылар.
-
Ачык дәресләр 12.12.2012
Мәктәптә төрле фәннәрдән ачык дәресләр план буенча үткәрелеп бара. Бүген шуларның чираттагылары үтте. 2 нче сыйныфта, Хәсәнова Ф.Г. яңа стандартлар буенча әйләнә - тирә дөнья фәненнән "Алтыаяклылар һәм сигезаяклылар" дигән тема буенча, яңа тема аңлату дәресе үткәрде; 6 нчы сыйныфта Шаһиева А.Г., инглиз теленнән "Хайваннар" темасы буенча кабатлау дәресе үткәрде.
-
7 нче сыйныфта ачык тәрбия сәгате 10.12.2012
7 нче декабрь көнне, 7 нче сыйныф җитәкчесе Шаһиева А.Г. "Саулык - зур байлык" дигән темага ачык тәрбия сәгате үткәрде. Әлеге дәрестә, укучылар сәламәтлекнең төп нигезен тәшкил итүче факторларны ачыкладылар, үзләренең сәламәтлекләрен процентларда бәяләделәр. Шунысы кызыклы, укучыларның берсе дә үзенең сәламәтлеген 100% ка бәяләмәде. Моның сәбәпләрен дә ачып бирделәр. Киләчәктә үзләренең сәламәтлекләрен арттыру өстендә эшләргә дип килештеләр.
-
"Ачык ишек"ләр көне 08.12.2012
Бүген мәктәптә 5- 9 нчы сыйныф укучыларнының әти- әниләре өчен "Ачык ишек"ләр көне үткәрелде. Ягъни, һәр ата- ана баласы укыган сыйныфка килеп, күңеле теләгән дәрескә кереп, баласының укуын; дәрестә катнашуын, үз-үзен тотуын күзәтергә мөмкин иде. Актив ата-аналар шактый җыелган иде, дәресләрдә ата- аналарның катнашуы: 5 нче сыйныфта - 86%, 6 нчы сыйныфта - 80%, 7 нче сыйныфта - 43%, 8 сыйныфта - 50%, 9 сыйныфта - 50% тәшкил итте. 1-4 сыйныф укучыларының ата-аналары өчен "ачык ишек"ләр көне аерым дата буенча үткәреләчәк.
-
Сәламәтлек театры 06.12.2012
5 нче декабрь көнне район мәдәният йортында "Олимпийский наш привет!" дигән мәктәп сәламәтлек театрларының муниципаль этабы узды. Әлеге конкурста безнең мәктәп "Куян һәм аның дуслары" дигән әкият белән катнашты. Шунысы куанычлы, 1-4 нче сыйныф укучылары арасында без 1 нче урын яуладык. Нәни артистларыбызга киләчәктә дә зур уңышлар телибез, һәм аларны шушы җиңүләре белән кайнар котлыйбыз!
-
Рус теленнән ачык дәрес 04.12.2012
Бүген рус теле һәм әдәбияты укытучысы Хәсәнова Эльмира Галимулловна 6 нчы сыйныфта рус теленнән, яңа стандартлар буенча "Разносклоняемые существительные" дигән темага ачык дәрес үткәрде. Дәрес бик уңышлы узды, укучылар дәрестә күп эш башкардылар, дәреснең темасын фикер йөртүләр аша үзләре ачтылар.
-
Спорт - яман гадәтләргә каршы 30.11.2012
Бүген мәктәптә "Спорт- альтернатива пагубным привычкам" Бөтенроссия акциясен йомгаклау этабы үтте. Әлеге уңайдан, 4-9 нчы сыйныф укучылары өчен күңелле стартлар оештырылды, ә 1-3 сыйныф укучылары татар халкының милли уеннарын уйнадылар. Шулай ук әлеге темага багышланган сыйныф сәгатьләре дә үткәрелде.
-
Әниләр көне 29.11.2012
27 нче ноябрь көнне мәктәптә Әниләр көнен билгеләп үттек. Әлеге кичәдә укучылар әниләрен бәйрәм белән котлап, концерт номерлары бүләк иттеләр. Мәктәптә эшләүче "Җырлыйк әле" һәм "Сәхнә йолдызлары" түгәрәкләренә йөрүче балалар да әниләрен котлап матур номерлар әзерләгәннәр иде. Соңыннан барлык әниләрне һәм укытучыларны бәйрәм белән котлап, мәктәбебез горурлыгы- җырчы Ландыш Хөсәенова үзенең матур җырларын башкарды.
-
"Яшь талантлар - куркынычсызлык өчен" 27.11.2012
Укучылар арасында янгын куркынычсызлыгын пропагандалаучы “Яшь талантлар – куркынычсызлык өчен” дип исемләнгән Бөтенроссия фестиваленең муниципаль этабы кысаларында үткән конкурста безнең укучылар да катнашты. Җыр колективлары арасында үткән ярышта безнең кызлар (җитәкчесе Габидуллина Л.Ә.), янгын куркынычсызлыгы турында такмаклар башкарып 2 нче урынга лаек булдылар.
-
"Төчкердек без ГРИППка" 24.11.2012
Кичә, 23 нче ноябрь көнне авылыбыз фельдшеры Сафина Л.Х. мәктәпкә килеп укытучыларга, һәм әти- әниләре рөхсәт иткән укучыларга ГРИППка каршы профилактик вакцина ясап китте. Шулай ук, туган көннәре ноябрь- декабрь аенда булган укучыларга "Манту реакциясе"н тикшерү прививкалары ясады.