МБОУ "Старочечкабская основная общеобразовательная школа Кайбицкого муниципального района Республики Татарстан"/ МБГБУ "Татарстан Республикасы Кайбыч муниципаль районы Иске Чәчкаб төп гомумбелем бирү мәктәбе"
Визитная карточка
Адрес: | 422330, РТ, Кайбицкий район, село Старые Чечкабы, ул. Центральная, д. 57 |
Телефон: | +7(843)-703-08-57 |
E-Mail: | sch1496@rambler.ru; Schkb.kbc@tatar.ru |
Министерство: | Министерство образования и науки Республики Татарстан |
Короткое название: | МБОУ "Старочечкабская ООШ" |
Руководитель: | Калимуллин Айрат Азатович |
Год основания учреждения: | 1990 |
У нас учатся: | 34 учащихся и 9 воспитанников/ 34 укучы һәм 9 тәрбияләнүче бала |
У нас учат: | 11 учителей и 1 воспитатель/ 11 укытучы һәм 1 тәрбияче |
МБОУ "Старочечкабская основная общеобразовательная школа Кайбицкого муниципального района Республики Татарстан"/ МБГБУ "Татарстан Республикасы Кайбыч муниципаль районы Иске Чәчкаб төп гомумбелем бирү мәктәбе" - новости
Страницы: << 101 102 103 104 105 106 ( 107 ) 108 109 110 >>
-
Брейн-ринг по музыке 21.12.2013
20 декабря в школе прошел музыкальный Брейн-ринг для учащихся 5-6 классов, которого провела учительница музыки Хисамова Р.М.. В этом учебном году все классы по музыке учатся по новой программе Е.Д.Критской и Г.П.Сергеевой. Целью данного мероприятия была поверка знаний музыкальных терминов и знание музыкальных произведений по новой программе.
-
"Бөек Җиңүгә - 70 ел!" 21.12.2013
Мәктәп планы буенча "Бөек Җиңүгә-70 ел" исемле чаралар һәрдаим үткәрелеп тора. Бүген 3 нче сыйныф җитәкчесе Хәсәнова Ф.Г. "Бөек Ватан сугышының бөек бәрелешләре" дигән темага ачык тәрбия сәгате үткәрде. Әлеге дәреснең максаты: укучыларны Бөек Ватан сугышының бөек бәрелешләре белән таныштыру, Бөек Җиңүнең әһәмиятен аңлату, сугыш һәм тыл ветераннарына карата ихтирам, туган илгә мәхәббәт тәрбияләү иде. Дәрес барышында укытучы 1941-1945 елгы Бөек Ватан сугышының иң зур бәрелешләре: Мәскәү сугышы, Сталинград сугышы, Курск дугасы янындагы сугышлар турында сөйләде. Бу бәрелешләрнең Бөек Ватан сугышындагы ролен аңлатты. Укучылар бик кызыксынып тыңладылар, бик күп сораулар бирделәр.
-
4 нче сыйныфта ачык дәрес 18.12.2013
Бүген 4 нче сыйныф укытучысы Булатова Г.А., уку дәресеннән Ә.Еникинең "Матурлык" хикәясе буенча ачык дәрес үткәрде. Дәрес барышында укучылар әсәргә тулы анализ бирү нигезендә авторның фикерен ачыкладылар, төп фикерне һәм сәбәп-нәтиҗә бәйләнешләрен таба белү күнекмәләрен үстерделәр. Тирә-юньдәгеләрнең уй фикерләренә бәя бирергә өйрәнделәр. Дәрес мәгърифәтче Р.Фәхреддин үгет - нәсыйхәтләре белән үрелеп барды һәм нәтиҗәле үтте.
-
Инглиз теленнән ачык дәрес
17.12.2013
Мәктәбебездә план буенча ачык дәресләр үткәрү дәвам итә. Бүген 3 сыйныфта инглиз теленнән Насретдинова А.Г. яңа стандартлар буенча ачык дәрес үткәрде. Дәрес “Кыш бабайга хат” дигән темага иде. Бу тема укучылар өчен дә, укытучылар өчен дә бик кызыклы булды. Дәрес барышында укытучы төрле алымнар кулланды - төркемнәрдә эшләү, индивидуаль, такта янында эшләү. Дәрес бик мавыктыргыч булды, үткәне сизелмәде дә.
-
Парлы биюләр конкурсы 16.12.2013
Бүген мәктәптә парлы биюләр конкурсының 1 нче этабы- вальс биюләре конкурсы узды. Әлеге этапта һәр сыйныф вальс биюләре әзерләп мәктәп коллективы алдында тәкъдим иттеләр. Шунысы куанычлы, әлеге конкурска һәр сыйныф - башлангычлар да, урта звено да бик җитди әзерләнгән иде. Конкурсның әлеге этабына жюри нәтиҗәләр чыгарып, линейкада игълан итәчәк. Кышкы каникулдан соң, гыйнвар ахырында конкурсның икенче этабы узачак. Әлеге этапта һәр сыйныф, парлы Латин Америкасы биюләре- самба, румба, ча-ча-ча әзерләргә тиеш. Өченче этап февраль ахырында көтелә- анысы парлы халык биюләре. Конкурска гомуми нәтиҗә 3 нче этаптан соң ясалачак. Әлеге мәктәпкүләм конкурс укучыларның бию сәнгате белән кызыксынуларын, мавыгуларын күреп оештырылды.
-
On-line мониторинг 15.12.2013
5-9 сыйныф укучылары Татарстан Республикасы мәгариф һәм фән министрлыгы тарафыннан, https:// edu.tatar.ru - электрон белем бирү порталы аша үткәрелүче оn-line мониторингта катнашалар. 13 нче декабрьдә 9 нчы сыйныф укучылары 4 фәннән тест үттеләр. Кичә 8 нче сыйныф укучылары үтә башладылар.
-
"Ватан Геройлары көне" 11.12.2013
9 декабрь – “Ватан Геройлары көне” уңаеннан, 11 декабрь көнне мәктәптә түбәндәге темаларга сыйныф сәгатьләре үткәрелде:
1-2 сыйныфта “Газинур Гафиятуллин- Ватаныбыз Герое”;
3-4 нче сыйныфта “Бөек Ватан сугышының Бөек бәрелешләре һәм Геройлары”. Әлеге сыйныф сәгатьләре өчен укытучылар бик күп материал туплап презентацияләр ясаганнар иде. Укучылар бик кызыксынып тыңладылар, төрле сораулар бирделәр.
5 сыйныфта “Җәлил һәм җәлилчеләр- Герой татарларыбыз”;
6 сыйныфта “Мәгубә Сыртланова-Герой милләттәшебез”;
7-9 сыйныфларда “Михаил Девятаев –Ватаныбыз Герое” дигән темаларга үткәрелгән сыйныф сәгатьләре дә үз эченә күп материал туплаган иде.
8 нче сыйныфта исә, “21 нче гасыр Герое.Ул кем?” дигән темага түгәрәк өстәл артында әңгәмә үткәрелде. 21 гасырның хезмәт һәм батырлык Геройлары турында мәгълүмат туплаган презентация карадылар.
Киләсе атнада әзер презентацияләргә таянып, әлеге Геройлар белән барлык укучыларны да таныштыру өчен мәктәпкүләм “Без Сезнең белән горурланабыз!” чарасы үткәреләчәк.
-
4 нче сыйныфлар сынау үтә 10.12.2013
Бүген 4 нче сыйныф укучылары РЦИМКО тарафыннан җибәрелгән математикадан мониторинг эше башкардылар. Эш 2 өлештән тора һәм аны үтәү өчен 45 минут вакыт бирелгән иде. Укучылар әлеге тестка бик җаваплы карап, тырышып эшләделәр. Быел 4 сыйныфта 5 укучы малай укый.
-
2 нче сыйныфта ачык дәрес 10.12.2013
Традиция буенча,мәктәп планына таянып төрле фәннәрдән ачык дәресләр үткәрелә башлады. Төп таләп- барлык дәресләр дә яңа стандартлар буенча оештырылырга тиеш. Бүген 2 нче сыйныф җитәкчесе Мөхетдинова А.Н. рус теленнән ныгыту дәресе - "Парные согласные в конце слова" дигән темага ачык дәрес үткәрде. Укучылар дәрестә парлап, төркемнәрдә һәм индивидуаль эшләделәр. Эш төрләре дә күп булды: һәр укучы дәреслек буенча да, карточкаларда да, тактада да эшләде. Дәрес бик уңышлы узды. Соңыннан укучылар үзбәя билгеләделәр.
-
"Коррупциягә каршы көрәш көне" 10.12.2013
9 декабрь – “Коррупцияга каршы көрәш көне” уңаеннан кичә мәктәптә план буенча чаралар үткәрелде.
Түбәндәге темаларга сыйныф сәгатьләре үткәрелде:
1-2 нче сыйныфларда “Урлатма. Урлама”;
3-4 нче сыйныфларда “Урлаган бер гаепле, урлаткан мең гаепле” дигән темаларга үткән сыйныф сәгатьләрендә сыйныф җитәкчеләре укучыларга коррупция төшенчәсенең нигезләрен аңлаттылар.
5-6 сыйныфларда «Дисциплина ни өчен кирәк?;
7-9 сыйныфларда “Нәрсә ул коррупция. Коррупция проблемасын ничек чишеп була?” дигән темага тәрбия сәгатьләре үткәрелде.
Китапханәче Хәйретдинова Л.Р. китаплардан һәм гәзит-журналлардан әлеге теманы яктырткан мәкаләләрне үз эченә алган тематик күргәзмә оештырган иде.