МБОУ "Старочечкабская основная общеобразовательная школа Кайбицкого муниципального района Республики Татарстан"/ МБГБУ "Татарстан Республикасы Кайбыч муниципаль районы Иске Чәчкаб төп гомумбелем бирү мәктәбе"
Визитная карточка
Адрес: | 422330, РТ, Кайбицкий район, село Старые Чечкабы, ул. Центральная, д. 57 |
Телефон: | +7(843)-703-08-57 |
E-Mail: | sch1496@rambler.ru; Schkb.kbc@tatar.ru |
Министерство: | Министерство образования и науки Республики Татарстан |
Короткое название: | МБОУ "Старочечкабская ООШ" |
Руководитель: | Калимуллин Айрат Азатович |
Год основания учреждения: | 1990 |
У нас учатся: | 34 учащихся и 9 воспитанников/ 34 укучы һәм 9 тәрбияләнүче бала |
У нас учат: | 11 учителей и 1 воспитатель/ 11 укытучы һәм 1 тәрбияче |
МБОУ "Старочечкабская основная общеобразовательная школа Кайбицкого муниципального района Республики Татарстан"/ МБГБУ "Татарстан Республикасы Кайбыч муниципаль районы Иске Чәчкаб төп гомумбелем бирү мәктәбе" - новости
Страницы: << 101 102 103 104 105 ( 106 ) 107 108 109 110 >>
-
Тарих фәненнән ачык дәрес 20.01.2014
Бүген, мәктәбебезне тәмамлап үзебезгә кайткан яшь укытучыбыз - тарих укытучысы Габидуллина Гүзәл Илшат кызы 5 нче сыйныфта "Эллада Аллалары һәм геройлары" дигән темага яңа стандартлар буенча тарих фәненнән ачык дәрес үткәрде. Дәреснең максаты- укучыларны Элладаның борынгы Аллары һәм геройлары белән таныштыру, алар турында мифларны өйрәнү иде. Дәрес эчтәлекле, методик яктан дөрес төзелгән, һәм бик кызыклы узды. Гүзәл Илшатовнага киләчәктә зур уңышлар телибез!
-
Укытучыларның кышкы спартакиадасы 18.01.2014
Кичә безнең мәктәптә 2 коллектив- "Ульянково төп мәктәбе" һәм безнең мәктәп коллективы кышкы спорт төрләре буенча ярышты. Әлеге ярышлар педагогларның кышкы спартакиадасының зона туры буларак үтте. Әлеге очрашуда 9 спорт төре буенча көч алыштык. Очрашу бик күңелле узды.
-
Инспектор белән очрашу 17.01.2014
Мәктәпнең еллык укыту-тәрбия планына таянып, бүген мәктәпкә "Кайбыч" полиция бүлекчәсенең балигъ булмаганнар белән эшләүче инспекторы Гомәрова Резедә Рифкать кызы укучылар белән очрашуга килде. Аерым башлангыч сыйныф һәм 5-9 сыйныф укучыларын җәмәгать урыннарында, мәктәптә үз-үзләрен тиешле дәрәҗәдә тоту үзенчәлекләре белән таныштырды. Укучыларны аңлаешлы итеп РФ һәм ТР ның Законнары үтәргә өндәде.
-
Башлангыч сыйныфларда "Фән көне" 17.01.2014
Бүген, башлангыч сыйныф укытучысы Габидуллина Л.Ә. 1-4 нче сыйныф укучылары белән әйләнә-тирә дөнья фәненнән "Табигатьне сакла һәм өйрән!" дигән темага "Фән көне" үткәрде. Әлеге чараның максаты, укучыларны "Кызыл китап" белән таныштыру, кошлар һәм җәнлекләр турында кайгыртырга өйрәтү, экологик тәрбия бирү; табигатькә сакчыл караш, мәхәббәт, кызыксынучанлык тәрбияләү иде. Әлеге чарада җиңүче булып 3 нче сыйныф укучысы Хөсәенова Илгизә танылды, ул сорауларга иң күп һәм дөрес итеп җавап бирде.
-
Чираттагы ата-аналар җыелышы 16.01.2014
Кичә мәктәптә чираттагы ата-аналар җыелышы узды. Әлеге җыелыш беренче яртыеллык нәтиҗәләре буенча оештырылган иде. Җыелышның беренче өлешендә ата-аналар балалары укыган сыйныфларда сыйныф җитәкчеләре һәм фән укытучылары белән очрашып балаларының өлгерешләре, тәртипләре турында сөйләштеләр, "Путь к успеху" программасы буенча укыдылар. Җыелышның икенче өлешендә "Бала тәрбияләүдәге типик хаталар" дигән темага методик доклад белән татар теле һәм әдәбияты укытучысы Гайнетдинова А.Г. чыгыш ясады, мәктәп директоры Хәсәнов А.Г. беренче яртыеллыкка нәтиҗәләр ясады. Җыелышта катнашучы әти-әниләр алдында башлангыч сыйныф укучылары вальс биюләре белән чыгыш ясадылар.
-
Кышкы лагерь 04.01.2014
2 нче гыйнвардан мәктәптә кышкы сәламәтләндерү лагере эшли башлады. Лагерьгә барлыгы 10 укучы йөри, барысы да ир балалар. Укучылар 2 отрядка: "Хыял" һәм "Дуслык" отрядларына бүленеп эшлиләр. Балаларның яллары күңелле үтсен өчен лагерьда кызыклы программа төзелгән.
-
Педагогик совет утырышы 30.12.2013
Бүген мәктәптә чираттагы педагогик совет утырышы узды. Иң беренче чиратта, утырышның рәисе һәм сәркатибе сайланды: рәисе- Мөхетдинова А.Н., сәркатибе- Хәсәнова Ф.Г.. Әлеге утырышта узган педагогик киңәшмә карарының үтәлеше тикшерелде; "Сыйныф җитәкчесенең ата-аналар белән хезмәттәшлек итү юнәлешләре, тәрбия эшендә сыйныф сәгатьләренең әһәмияте" дигән темага методик доклад белән татар теле укытучысы Гайнетдинова А.Г. чыгыш ясады; һәр сыйныф җитәкчесе һәм фән укытучысы үзләре җитәкләгән һәм укыткан сыйныфларда беренче яртыеллыкта белем һәм тәрбия процессының торышын анализлады.
-
Чыршы бәйрәмнәре 29.12.2013
Мәктәбебездә шау-гөр килеп яңа ел бәйрәмнәре узып китте. 27 нче декабрь көнне иртәнге якта балалар бакчасында һәм сәгать 17.00 дә 5-9 сыйныф укучыларында, ә 28 нче декабрь сәгать 10.00 да башлангыч сыйныфларда яңа ел бәйрәмнәре үткәрелде. Бәйрәмнәр бик күңелле һәм оешкан төстә үтте. Ата-аналар да, авыл яшьләре дә күп килгән иде. Укучылар җырладылар, биеделәр төрле күңелле уеннар уйнадылар.
-
Президент елкасында кунакта 25.12.2013
Бүген 9 нчы сыйныф укучысы Борһанова Зилә, район активистлары белән берлектә, Казанда "Татнефть - Арена" боз сараенда Татарстан Республикасы президенты чыршысында кунакта булып кайтты. Зилә берничә ел дәвамында дружина советы рәисе булып торды, мәктәп думасы депутаты вазыйфасын башкарды. Бик тырыш һәм җаваплы укучы.
-
Әдәбияттан ачык дәрес 23.12.2013
Мәктәптә ачык дәресләр үткәрү дәвам ителә. Бүген 8 сыйныфта, татар теле һәм әдәбияты укытучысы Гайнетдинова А.Г., әдәбият дәресендә Г.Бәшировның "Туган ягым-яшел бишек"әсәрен йомгаклау дәресен үткәрде. Дәреснең максаты татар халкының гореф-гадәтләре һәм йолаларын саклап калу, үстерү ,гомумән, туган якка, туган җиргә мәхәббәт тәрбияләүне үстерүгә юнәлтелгән иде