МБОУ «Муралинская основная общеобразовательная школа Кайбицкого муниципального района Республики Татарстан» ♦ «Татарстан Республикасы Кайбыч муниципаль районы Мөрәле төп гомуми белем мәктәбе» МБГБУ
Визитная карточка
Адрес: | 422321, РТ, Кайбицкий район, с. Мурали, ул. Молодёжная, д. 1 |
Телефон: | +7(843)-703-24-30 |
E-Mail: | sch1495@rambler.ru |
Министерство: | Министерство образования и науки Республики Татарстан |
Короткое название: | МБОУ "Муралинская ООШ" |
Руководитель: | Музаффарова Рушания Зуфаровна |
Год основания учреждения: | 1925 |
У нас учатся: | 17 учащихся | 17 укучы |
У нас учат: | 11 учителей | 11 укытучы |
МБОУ «Муралинская основная общеобразовательная школа Кайбицкого муниципального района Республики Татарстан» ♦ «Татарстан Республикасы Кайбыч муниципаль районы Мөрәле төп гомуми белем мәктәбе» МБГБУ - новости
Страницы: << 141 142 143 144 145 146 ( 147 ) 148 149 150 >>
-
Ата-аналар - мәктәпнең таянычы
27.03.2015
9- чыгарылыш сыйныфта укучыларның әти-әниләре мәктәптә еш булалар. Бүген дә алар киңәшмәгә җыелдылар. Җыелышта төп дәүләт имтиханнарына әзерлекнең торышы каралды. Әниләр математика, рус теле буенча үткәрелгән соңгы имтиханнарның нәтиҗәләре белән танышты. Балаларга өйдә уңайлы шартлар тудыру, психологик һәм мораль ярдәм күрсәтү, аларга таяныч булу- ата-аналарның хәзерге вакытта төп бурычлары булуын килгән әниләр бик яхшы аңлады. Бергәләп эшләгәндә генә нәтиҗәләр куанычлы булачак.
-
Шигырь бәйрәмендә
24.03.2015
"ЭКО" өстәмә белем бирү учреждениесендә узган Габдулла Тукай исемендәге V Бөтенроссия уку бәйгесенең Җиңүнең 70- еллыгына багышланган муниципаль турында 2 һәм 5 сыйныф укучылары Миләүшә Гобәева (укытучысы- Сәйфетдинова А.М.) һәм Адилә Шәрәфиева (җитәкчесе- Садриева А.З.) катнашты. Адилә жюри игътибарына Муса Җәлилнең "Бүреләр" әсәрен рус телендә тәкъдим итте һәм Мактау грамотасына лаек булды. Миләүшә шагыйрньең "Вәхшәт" әсәре белән 1-урынны яулады. Котлыйбыз! Уңышларыгыз белән киләчәктә дә сөендереп торыгыз!
-
Төп дәүләт имтиханына әзерлек
24.03.2015
Каникул көннәрендә 9- сыйныфта имтиханнарга әзерлек буенча ныклы эш алып барыла. Математика, рус һәм татар телләре буенча индивидуаль һәм төркем белән дә консультацияләр үткәрелә.
-
Без "Тамчы-Шоу"да
23.03.2015
Каникулларның икенче көне дә бик күңелле узды. Без Казанда "Татарстан- Яңа гасыр" телевизион каналы студиясендә "Тамчы- шоу" программасында катнашып кайттык. Составында Илсинә Сафина, Булат Сибгатов, Алмаз Тимершин булган командабыз "Елгалар" темасы буенча белемнәрен барладылар. Уен бик кызык , җанлы үтте. Жюри рәисе Әнвәр абый Хуҗиәхмәтов уенга дөрес бәя куеп, ике команданың да белемнәре нык һәм төпле икәнен әйтеп узды. Афәрин, булдырасыз, укучылар! Алда да зур җиңүләр юлдаш булсын!
- Әниләр белән... - имтиханнарга әзерләнәбез! 23.03.2015
-
Күңелле сәяхәт
22.03.2015
Язгы каникулыбыз бик күңелле башланып китте. Бүген бер төркем укучыларыбыз КФУ профессоры Ә.Н.Хуҗиәхмәтов чакыруы буенча Галиәскар Камал театрында Илгиз Зәйниевның "Кечтүкле уен" спектаклен карадылар. Ике сәгатьлек театраль феерия тирән эчтәлекле, фәлсәфи мәгьнәгә ия булганлыктан, аны бик яратып тамаша кылдык. Соңыннан, спектакль тәмамлангач, яраткан артистларыбыз белән истәлеккә фотога да төштек әле. Сәяхәттән рәхәтләнеп ял итеп, бай тәэсирләр белән, җанга сихәт алып кайттык. Шундый матур мөмкинлек тудырганнары өчен Әнвәр абый Хуҗиәхмәтовкә һәм мәктәп җитәкчелегенә зур рәхмәт!
-
Урман көне
21.03.2015
Урманны кем генә яратмый икән?! Мөгаен, андый кеше юктыр. Ә шагыйрьләр, язучылар өчен урман — илһам чыганагы. Габдулла Тукайның Кырлай урманнары турында язганнары һәммәбезнең хәтерендә саклана. Без дә урманны бик яратабыз. Аның гүзәллеген, ямен мактарга берсеннән-берсе матур сүзләр эзлибез. Матурлыгы, табигатькә ямь бирүе өстенә урманның файдасы да бик күп. Ул без сулый торган һаваны сафландыра, тузаннан чистарта. Шуңа күрә дә урманның һавасы һәрвакыт саф була.
"Урман көне" уңаеннан мәктәптә күңелле чара оештырылды. Биология укытучысы Сафина Л.Р. укучыларны зирәклектә, тапкырлыкта, җитезлектә сынады. Укучылар сынатмады. Әйдәгез, урманнарыбызны саклыйк, яклыйк!
-
Кем булырга? Нинди һөнәр сайларга?
21.03.2015
Бүген 9-сыйныф укучылары профессия сайлауда кысыксынуларын үстерү, белемнәрен барлау максатында профессиналь тестирование уздылар. Алар бирелгән вариантлардан үзенә туры килгәнен сайлап алдылар. Бу тикшерү киләчәктә аларга дөрес юнәлеш сайларга булышыр, дип ышанабыз.
-
Алда яллар көтә!
21.03.2015
Март аеның соңгы көннәрендә язгы каникуллар башланды. Күңелле яллар телибез сезгә!
-
"Талантлылар иле"ндә
20.03.2015
"Талантлылар иле" Бөтенроссия конкурсында мәктәбебезнең укучылары бик теләп катнашты һәм нәтиҗәләре дә куанычлы. Гомумроссия буенча 2 нче сыйныф укучысы Зайнуллина Алия рус теленнән, 7 нче сыйныф укучысы Тимершин Алмаз инглиз теленнән 1 нче урынны, 5 нче сыйныф укучысы Тимергалиев Наил рус теленнән 3 урынны яуладылар һәм аларга истәлекле бүләкләр тапшырылды. Башка укучыларыбыз да алардан бик азга гына калышып, дипломнар белән бүләкләнделәр. Булдырасыз, укучылар!