Педагогик киңәшмәдә яңа уку елына максатлар һәм бурычлар куелды. Аларны тормышка ашыруда күп көч сарыф итәргә кирәк. Коллектив үз алдына куелган таләпләрне төгәл үтәгәндә барысы да нәтиҗәле булыр. 

"Башлангыч мәктәптә белем сыйфатын күтәрү" дигән тема астында мәктәптә район башлангыч сыйныф укытучылары семинары эшлекле шартларда үткәрелде. Алар план нигезендә эш алып барды. 

Мәктәп яны тәҗрибә участогында эшнең кызган чагы. Бер эш артыннан икенчесе өлгереп кенә тора. 

Быелгы җәй яңгырларны кызганмады. Шуңа да яшелчәләребез мулдан күренә. Менә инде беренче уңышларны, суганнарны, мулдан җыеп алдык. 

Мәктәпнең тирә - ягын матурлау өчен барлык хезмәткәрләр дә күп көч куйды. Матурлык тудыру өчен фантазияң бай булырга тиеш. Бездә ул җитәрлек.

Мәктәпләрне яңа уку елына әзерлек инде бер атна элек башланды. Бүген исә косметик ремонт эшләре тәмам. Мәктәп яңа уку елына тулысынча әзер.

Эх, ямьле дә соң җәй айлары! Кай арада җитә дә, тиз генә үтеп тә китә. Ә менә шул аралыкта кыш өчен күпме тәм - том әзерләп өлгерергә кирәк. Әле генә җиләкне җыеп эшкәрттек, инде карлыганы да өлгереп җиткән. Мәктәп яны тәҗрибә участогында эшнең кайнаган чагы. 

Бүген мәктәбебездә чыгарылыш сыйныф укучысына аттестат тапшыру тантанасы үтте. 1 укучыбызны олы тормыш юлына озаттык. Бәйрәмдә район мәдәниять бүлеге җитәкчесе Аблязова Р.Р., мәгариф бүлеге методисты Сибгатуллина А.А. катнашты. 

Гасыр төпкеленнән килә аваз,

Хәтерләрдә тарих яңара.

“Онытмагыз! Хәтерләгез безне!

Шәһит булдык авыр яуларда.