Корбан гаете мөбарәк булсын, һәммәбезгә көч-егәр, рух күтәренкелеге өстәсен, лаеклы эшләргә җилкендерсен, якты өметләр һәм җан тынычлыгы насыйп итсен, илаһи нур күңелләребезне һәм йөзләребезне балкытсын!

Хөрмәтле Ильхамия Галимовна! 

       Сезне туган көнегез белән котлыйбыз! Иң изге, якты, матур теләкләребезне юллыйбыз: көчле рухлы һәм кешелекле, юмарт һәм ярдәмчел, бәхетле һәм сәламәт булыгыз! Туар таңнарыгыз тыныч, саулыгыгыз ныклы, гомерегез бәхетле булсын! Кайгы- хәсрәт күрми, озын гомер итүегезне, гаилә шатлыгы, балаларыгызның, якыннарыгызның  игелеген  күреп  яшәргә язсын  Ходай! Ныклы тазалык, озын гомер, ак бәхетләр белән мул тормышта яшәвегезне телибез.

Матур тормыш, сәламәтлек теләп,

Туган көнегез белән котлыйбыз.

Шатлык белән озын гомер үтеп,

Яшәвегезне генә телибез.

Гомер үтә диеп, моңсуланмагыз,

Өмет гөлкәйләрегез сүнмәсен.

Алтын төсендәге якты көннәр

Барыр юлларыгызны бизәсен.

Авырлыклар бер дә кичермәгез,

Кыенлыклар бер дә килмәсен.

Сезнең йөзегездә шатлык нуры,

Балкып торсын, мәңге сүнмәсен.

Сезне чын күңелебездән һөнәри бәйрәмегез - Тәрбиячеләр көне белән котлыйбыз! Тәрбияче хезмәте – авыр һәм фидакарь хезмәт. Ул даими рәвештә һөнәри яктан камилләшү, көч-энергия һәм бик зур сабырлык сорый. Һөнәри бурычыгызга тугъры калуыгыз һәм балаларга күрсәткән игътибарыгыз өчен рәхмәт. Көчегез төкәнмәвен, эшләү дәрте сүрелмәвен, балалар белән үзара аңлашу һәм һөнәрегезгә тугрылык телибез. Һәрвакытта һәм һәркайда уңышлар юлдаш булсын

Йөз куя дөнья
Кояш нурына —
Әйдәгез җырлыйк
Кояш турында:
Кояш — безнең йөздә,
Кояш — безнең күздә,
Кояш — безнең сүздә, дуслар

 Бүген безнең бакчабызда

Шундый кызык, күңелле

Чөнки безнең бакчага 

яңа балалар килде.

Шушы бакчада үсәрбез

Саулыкта,куанычта,

 шатлыкта.

28 нчы августта  бакчабызда ата - аналар җыелышы булып узды. Җыелышның көн тәртибенә куелган мәсьәләләр:

1. Яңа түләү системасы белән танышу;

2 Яңа уку елына әзерлек;

3. Ата - аналарны кызыксындырган сорауларга җавап бирү;

26 нчы августта  район балалар бакчалары тәрбиячеләре семинары булып узды.Семинарда катнашучы тәрбиячеләр  “ФГТ таләпләре буенча көндәлек план язу”да булган үзгәрешләргә тукталып китте.. Белем бирү эшчәнлегенә, нәтиҗә ясап, район мәгариф бүлеге белгече Якупова А.Ш. семинарга йомгак ясады.

Хөрмәтле Әти-әниләр!

Кошман “Тиенкәй” балалар бакчасында

28  нче августта 18 :00 сәгаттә Әти-әниләр җыелышы үткәрелә. Килүегезне көтеп калабыз.

Балалар бакчасы коллективы