Мәктәп укучылары бүгенге көнне көтеп алалар. Чөнки алар "Салават күпере" ндә булып кайттылар. Алар анда рәхәтләнеп суда йөзделәр, сәламәтлекләрен ныгыттылар.

Тимурчылар сугыш ветераны Нурулла абыйларга һәрдаим булышып торалар. Бу атнада да, көннәр яңгырлы булуга карамастан, укучылар ишек алдын, бакчаларын җыештырдылар, өй эшләрендә булыштылар.

Бүген "Тамчылар" түгәрәгенә йөрүче укучылар мәдәният йортында Г.Тукайның әкиятләрен сәхнәләштерделәр.

Бүген мәктәбебез Г.Тукайның туган көнен билгеләп үтте. 6 нчы сыйныф укучылары татар теле һәм әдәбияты укытучысы Хаматшина Гөлнур Гарәфетдин кызы  җитәкчелегендә әдәби-музыкаль кичәдә уңышлы чыгыш ясадылар.

Бүген  волонтерлар обелиск тирәсен тәртипкә сала башладылар.

Мәктәп укучылары сугыш ветераны  Касыйм абыйны  туган көне белән котларга бардылар. Балаларны Касыйм абый бик шатланып каршы алды. Укучылар сугыш ветеранына үз көчләре белән әзерләгән бүләкләрне тапшырдылар. 

6 нчы сыйныф укучылары тыл ветераны Гайнутдинова Минхаят апаның өенә бардылар. Хәлләрен сораштылар, өй эшләрендә булыштылар. Минхаят апа бик шатланды, рәхмәт әйтеп озатып калды.

   20 нче апрельдән 27 сенә кадәр мәктәптә  "Язның шәфкатьлелек атналыгы" акциясе үтә. 20 нче апрель сыйныф сәгатендә укучылар атналык план белән таныштылар. Бүген тыл ветераннарының өйләренә бардылар. Йорт эшләрендә булыштылар.

20 нче апрель көнне 1 нче сыйныф җитәкчесе Пиркина Г. укучыларга Габдулла Тукай китаплары күргәзмәсе каршында дәрес үткәрде. Дәрестә туган телгә карата табышмаклар, мәкаль һәм әйтемнәр, "канатлы сүзләр" күп кулланылды. Укучылар Габдулла Тукайның шигырьләрен сөйләделәр. Халкыбызның гимнына әйләнгән "Туган тел" җырын башкардылар. 

Бүген, үсеп килүче буында патриотизм тәрбияләү максатыннан, 5-11 нче сыйныф укучыларына сугыш елларында сугышчыларның батырлыкларын чагылдырган фильмнар карау оештырылды.