Килегез, дуслар, Кайбычка -

Ямьле Кайбыч яклары.

Кайбычымның өр-яңадан

Үсеп килгән чаклары.

Кыш бик озак кунак булды,

Китте, ул китте.

Сулар акты, кошлар кайтты,

Ямьле яз җитте.

Без, без, безелдек,

Без бер рәткә тезелдек.

Чабабыз да уйныйбыз,

Бер дә арып тормыйбыз.

Тышта яз иде

Күкләр зәп-зәңгәр

Таралды кинәт

Шатлыклы хәбәр.

Кеше галәмдә.

Агачларны сындырмагыз,

Кош оясын ватмагыз,

Суларны да пычратмагыз,

Пыяла чүп атмагыз.

Эссе чакта, коры чакта

Урамда ут якмагыз.

Табигать ул безнең әни

Табигатьне саклагыз!

Китап белем чишмәсе, дип

Юкка әйтмәгәннәр шул!

Китапханәдән башлана

Белем дөньясына юл.

Иртән тәрәзәләрдән

Кояш яктысы төшкән.

Нинди матур сайрыйлар -

Кошлар да килеп җиткән.

Көлегез, көлегез,

Файдасы күп белегез!

Гөрләп ага гөрләвекләр,

Юлга тула күлдәвекләр.

Салкын кышлар үтеп китте,

Умырзая чәчәк атар.

Өй түрендә бакчада,

Талчыбык куначада

Сыерчык канат кага -

Яз килүгә шатлана.

Җилпенә ул, талпына,

Шатлыктан сайрап куя:

Ак каенның башында

Бик матур оя тора.