Борын- борын заманнан,

Болгар белән Казаннан,

Җаек белән Иделдән

Бу бәйрәм безгә килгән.

Нәүрүз мөбарәк булсын!

17 март көнне мәдәният йорты каршысындагы мәйдан гөр килеп торды. Борынгыдан килгән гореф- гадәт буенча елның иң салкын фасылы белән саубуллашырга өлкәннәр дә, балалар да җыелды. Туйганчы күңел ачып, кайнар тәмле коймак белән сыйландылар, уйнадылар, җыр-бию, бәйгеләр көн буе тынмады. Балаларыбызның керәшен җырларын башкаруы бәйрәмгә ямь өстәде. Бизәлгән атларда урам әйләнү бәйрәмнең иң күңелле мизгеленә әйләнде.

Бүген балалар белән электр җиһазлары безгә ни өчен кирәк, электр җиһазларының нинди уңай һәм куркыныч яклары бар, электр җиһазларын кулланганда саклык чаралары турында әңгәмә үткәрелде. "Табышмак әйтәм-җавап көтәм", "Кагыйдәне онытма!" уеннарында балалар бик теләп катнаштылар. Куркынычсызлык кагыйдәләрен искә төшерделәр.

Олы Кайбыч мәдәният йортында үткәрелгән "Йолдызлык" фестивале бик күңелле узды. Балалар бии-бии остара бара. Бу юлы да безнең "Бәләкәч" төркеменең чыгышы зур алкышларга күмелде. "Йолдызлык" фестиваленнән диплом һәм бүләкләр белән кайттык.

Бабай да солдат булган,

Әти дә солдат булган,

Зур абый да солдат булып,

Ил чикләрендә торган.