"2023 ел - милли мәдәниятләр һәм гореф-гадәтләр  елы"   уңаеннан , 1 июнь - балаларны яклау көнендә, балалар бакчасында халкыбызның милли бәйрәме-Сабантуй уздырдык. Бәйрәмдә балалар  капчык киеп йөгерү, кашыкка йомырка куеп йөгерү, таяк тартышу кебек уеенар уйнадылар. Җырлап, биеп күңел ачтылар.

Балалар белән  “Салават купере” журналын бик яратып укыйбыз. Кызыклы башваткычларны чишәбез,табышмакларга җаваплар эзлибез.Яңа әкиятләр,шигырьләр белән танышабыз.

Тормыш җиңел бергәләшеп,

Тату торганда.

Янәшәдә әти белән

Әни булганда!

Үсеп килүче буынга патриотик тәрбия бирү бакчабызның бурычы. Патриотик тәрбия бирү төшенчәсе бала күңелендә Туган илебезнең табигатен ярату, халкының тарихы, үткәне белән горурлану хисләре уяту дигәнне аңлата.

Сугыш... авыр, шомлы сүзләрнең берсе! Сугыш дип әйтүгә, күз алдына җимерелгән йортлар, казылып беткән болыннар, ятим балалар килеп баса. Сугыш бик күп гаиләләргә кайгы, ачы күз яшьләре китерә. Күпме еллар узса да, халык хәтерендә Бөек Ватан сугышы иң авыр вакыйгаларның берсе булып сакланачак, ә халкыбызның кылган батырлыклары һәрвакытта да хөрмәт белән искә алыныр.

Җиңү көне – халкыбызның күңелендә мәңге онытылмас көн. Хәзерге вакытта да 9 нчы Май Җиңү көне буларак билгеләп үтелә.Шул исәптән, Олы Тәрбит “Карлыгач” балалар бакчасына  йөрүче балалар да Бөек Җиңүгә  багышланган  бәйрәмдә катнаштылар.

Кирәкми безгә кан кою,

Кирәкми безгә сугыш!

Безнең теләк якты, матур,

Тыныч хезмәт һәм тормыш.

Илебез зур, җиребез киң,

Хисапсыз байлык бездә!

Җир өстендә, җир астында,

Тауларда һәм диңгездә.

Без үз кулларыбыз белән

Төзибез гүзәл тормыш.

Без – тыныч ил төзүчеләр,

Кирәкми безгә сугыш!

Нинди таныш, моңлы көй бу?

Тукай җыры - “Туган тел”.

Истән бер дә чыкмый торган

Халык көе - туган тел.

Әйе, сөекле Тукаебызны беркайчан да истән чыгармыйбыз. Аны яратабыз, зурлыйбыз.

"Милли мәдәниятләр һәм гореф-гадәтләр елы" кысаларында  бакчабызда Г.Тукай иҗатына багышланган кичә үтте.Балалар аның иҗатын искә төшереп   шигырьләр сөйләделәр, җырлар тыңладылар, әкият геройлары белән очраштылар.

В рамках " Года национальных культур и традиций" в детском саду провели праздник, посвященный творчеству Г.Тукая. 

"2023 ел - милли мәдәниятләр һәм гореф-гадәтләр  елы" кысаларында, тәрбиячеләр балалар белән туган як табигате турында әңгәмә алып бардылар.Кайбыч җирлегенең үсемлекләре һәм хайваннары турында белемнәрен киңәйттеләр.

В рамках "Года национальных культур и традиций" ,воспитатели с детьми провели беседу о природе родного края. Дети расширили свой кругозор о растительном и животном мире Кайбицкого района.

12 апрельдә илебез космонавтика көнен билгеләп үтә. Бу истәлекле дата уңаеннан, бүген китапханәче Драндрова И.белән берлектә «Космосның гаҗәеп дөньясы»исемле кичэ уздырдык. Балалар зур кызыксыну белән Космоска юл тоткан беренче кеше — Юрий Гагарин, кешегә кадәр космоска барып җиткән Белка һәм Стрелка этләре турында хикәяләр тыңладылар, космонавтика үсеше башлангычында торган галимнәр, Кояш системасы планеталары, космоска очу турында күп кызыклы мәгълүмат алдылар. Зур рәхәтлек белән геометрик фигуралардан ракета җыйдылар, оригами техникасында кәгазьдән ракета ясадылар.

   "Өй салу кош оясы ясаудан башлана", ди халык. Элек - электән кешеләр балаларында кошларга сакчыл караш һәм мәхәббәт тәрбияләгәннәр, алар өчен  оялар, җимлекләр ясаганнар. 1 апрель-"Халыкара кошлар көне" көнне без дә китапханәче белән кошлар  көненә багышланган " Язны котлап сайрый  кошлар" дип исемләнгән кичә үткәрдек.Бүлмәбез кошлар рәсемнәре, кошлар турындагы мәкальләр, китап  күргәзмәсе белән җиһазландырылды.Кошларның сайравын тыңлау өчен видео язма куелды.  Экология  темасына карата төзелгән презентация карап үтелде. Балалар кошлар турында табышмаклар әйттеләр, шигырьләр  укыдылар, җырлар җырладылар. Канатлы дусларыбызның файда китерүләре, аларга җимлекләр, оялар ясарга кирәклеге турында сөйләнде.
 

Яз җитүгә, һава торышы үзгәрү белән бәйле булган бәхетсезлек очраклары аеруча арта. Сулыклар янында куркынычсызлык кагыйдәләрен үтәмәү кеше тормышында зур бәхетсезлекләр китереп чыгарырга мөмкин. Балалар белән бәхетсезлек очраклары булдырмау йөзеннән  балаларга су буйларына төшмәскә, бозның бик калын булуына ышанып, боз өстенә кермәскә кирәклеге турында төшендерү мөһим. Яз көне бозның ныклыгы кими, ул кояш җылысында йомшара, шуңа күрә боз өстенә керү тыела.  Язгы чорда елга буйларында үзләре генә йөрмәскә, әти-әниләренең рөхсәтеннән башка өйдән чыгып китмәскә кирәклеге турында да  аңлатырга кирәк.