Кояш көлә, мин елмаям,

Бигрәк матур көн бүген,

Бүген әниләр бәйрәме,

Шуңа күңелем шат минем.

Әниләр бәйрәменә багышланган кичә бик күңелле үтте.

Бүген бәйрәм конендә

Әтиләрне котлыйбыз

Шатлык, бәхет, сәламәтлек

Һәммәгезгә телибез.

Балаларны юл йөрү кагыйдәләренә өйрәтү- заманыбызның иң актуаль мәсьәләләренең берсе. Бу юнәлештә безнең балалар бакчасында даими рәвештә эш алып барыла. Бу атналыкта  шөгыльләр юл йөрү кагыйдәләренә, аларны тагын бер кат искә төшереп үтүгә, белгәннәрне ныгытуга багышланды. Әлеге чараларның максаты бик җитди: балаларны юл билгеләрен аера белүне, юлда хәвефсезлек кагыйдәләрен өйрәтүне дәвам итү; юлларда күзәтүчәнлекне, игътибарлыкны, мөстәкыйль фикерләүне үстерү; урамда, җәмәгать транспортында, торак зоналарда үз-үзеңне тоту мәдәниятен тәрбияләү.Тәрбияче  Бикбова З.Ф. балаларга җәяүлеләрнең юлда йөрү үзенчәлекләрен, транспортта үз-үзеңне тоту күнекмәләрен тагын бер кат искә төшерде.

Балалар бакчасында рус теленә өйрәтү уртанчылар төркеменнән башлана.ТәрбиячеБикбова З.Ф. аларны күбрәк уен аша җәлеп итәргә тырыша. “Без рус телен өйрәнәбез” программасы да телгә өйрәтүнең бөтен нечкәлекләрен күз­дә тотып төзелгән. Зурлар һәм мәктәпкә әзерлек төркемнәрендә белемнәр киңәя. Аларның сөйләмнәре формалаша, сораулар бирергә өйрәнәләр, теләкләр һәм үте­нечләрен белдерәләр, картиналар буенча хикәя төзиләр, әкиятләр сөйлиләр, җырлар җырлыйлар, әкиятләрне сәхнәләштерәләр,"тылсымлы такта"да эшләргә бик яраталар.

Балалар төзү материаллары белән уйнарга бик яраталар. Эшчәнлек вакытында алган белемнәрен алар уен вакытында ныгыталар. Бергәләшеп дустанә мөнәсәбәттә, аралашып уйнарга өйрәнәләр.

Яңа елга санаулы гына вакыт калып бара. Бу көннәрдә бакчабызда шул гаҗәеп мизгелләрне матур итеп каршы алырга әзерләнәбез. Балалар белән җырлар, шигырьләр өйрәнәбез, бергәләп төркемнәрне бизибез. Кәгазьдән кайчы ярдәмендә кар бөртекләре кисәргә өйрәнү- балалар өчен аеруча мавыктыргыч шөгыль булды. Хәзер балалар ясаган кар бөртекләре бүлмәбездәге тәрәзәләргә ямь биреп тора.

Керәшеннәрнең этник үзенчәлекләрен, халык җырларын оста башкаручыларны ачыклау, иҗади үсешләренә ярдәм итү,фольклор чагылыш тапкан коллективларны зур сәхнәгә чыгару максатындагы бу бәйге Кайбычта югары дәрәҗәдә узды. Безнең "Гылбулар" төркеме 1нче дәрәҗә диплом белән бүләкләнде.Афәрин, балалар! Котлыйбыз!

В разделе "Родителям" Вы можете ознакомиться с Постановлением Исполнительного комитета Кайбицкого муниципального района РТ от 19.10.2023г №449 "Об утверждении нормативов финансировании деятельности образовательных организаций, реализующих программы дошкольного образования муниципального образования  "Кайбицкий муниципальный район Республики Татарстан" на 2024 год

Яктылык кайтаргыч элементлар (фликерлар) – ул махсус материаллардан ясалган, яктылык нурын яңадан аның чыганагына кайтарырга сәләтле, автомобиль фаралары яктыртылышында ачык-ак төскә әверелә торган элементлар. Яктылык кайтаргыч элементларны, брелокларны, беләзекләрне транспорт юлыннан 80 сантиметрдан алып 1 метрга кадәр өстә урнаштыру мәҗбүри. Аларны урнаштыру өчен иң кулай урыннар – күкрәк һәм ботлар. Җәяүледә шундый элементларның берничә булуы – оптималь вариант. 140 сантиметр озынлыктагы баланың фликерларын рюкзагына, җиңенең өске өлешенә, баш киеменә урнаштыру зарур. Әгәр кеше велосипедта хәрәкәт итә, үзе янында бала арбасы яки чана бар икән, әлеге транспорт чараларына да фликерлар урнаштыру зарур. Яктылык кайтаргыч элементларны кешеләргә генә түгел, йорт хайваннарының муенчакларына һәм япмаларына да урнаштырырга кирәк.

Хөрмәтле әти-әниләр! Балагыз юлда яктырып күренсен өчен хәстәрен күрегез. Баланың киемендә яктылык кайтаргыч элементлар булырга тиеш. Исегездә тотыгыз – кара, соры киемдә кечкенә җәяүле транспорт йөртүчегә бөтенләй күренми, димәк аны таптату куркынычы бар.