Прокуратура органнары тарихына багышланган Республика күләм ведомствоара иншалар конкурсында безнең мәктәп укучылары да актив катнашты. Чүпрәле муниципаль районы прокуратурасы эшчәнлеге турында мәгълүмат туплау максаты белән район прокуроры Ахметшин Алмаз Идрис улы белән очрашу оештырылды. Эше тыгыз булуга карамастан, ул балаларга үзенең эше турында аңлаешлы итеп сөйләде, аларның күпсанлы сорауларына җавап бирде. Алмаз Идрисович балаларга хокуклары һәм бурычлары турында аңлатты, хокукларны белергә, ә бурычларны үтәргә кирәклеген ассызыклады. Саубуллашканда, Ахметшин А.И. укучыларга һәрвакытта да намуслы кешеләр, илебезнең тугры патриотлары булып калуларын теләде.