Әлеге бәйгедә 201 укучылар һәм балалар бакчасы төркеме катнашты.  Бәйрәмдә фән һәм мәгариф министры Фәттахов Э.Н,  “Ялкын ” журналының  җитәкчесе  З.Р.Хәмидуллин,  дәүләт депутаты һәм язучы Р.Вәлиев, Г.Камал исемендәге татар Дәүләт театры һәм Г.Кариев исемендәге яшьләр театры җитәкчеләре,  бик күп күренекле язучы һәм шагыйрьләр,  артистлар, билгеле инде, сәләтле балалар төркеменнән вәкилләр һәм түгәрәк җитәкчеләре катнашты.  Кичә, бию, җыр, сәхнә әсәрләре һәм бүләкләүләр белән үрелеп, бик кызыклы һәм бер сихри күтәренкелектә барды.Театр бинасы үзе залда утыручы кунакларны күңелгә тансык һәм серле дөньяга алып кереп киттеме, әллә залдагы кунакларның күңелен сәхнә биләп алдымы- аңлатуы кыен: сәхнәдәге һәр аваз, һәр сүз залда яңгырап торды, уйларны , бөтереп алып, вакыйга урынына алып китте.