Бәйрәмнәр кирәк безгә дә, әтигә дә, әнигә дә, - дип җырларга яратабыз без. Тиздән сөекле әниләребез бәйрәме. Бу көнгә  без бик тырышып - тырмашып әзерләнеп ятабыз.  Яңа җырлар, яңа шигырь бәйләмнәре...  Ә иң кызыгы әле алда. "Сәхнә утлары" театр түгәрәгенең быелгы сезонда яңа спектакле! Татар халык әкияте "Өч кыз" ны сәхнәләштерү бурычы тора.  Артистлар арасында рольләр бүленеп бетте, иң бәләкәй актрисабызга өч яшь, ул - Дилә Фазулова. Диләнең быел дебют. Билгеле, төп роль башка  актрисага бирелде, чөнки аңа инде 4 яшь, ул - Адилә Ситдикова. Ә менә ана ролен бик сабыр, бик акыллы, йомшак күңелле Мәдинәбез башкарачак. Кызларга иҗади уңышлар теләп калабыз! Шул ук вакытта декорация һәм костюмнар хәзерләү өстендә эш кайный. Әле бит газиз әнкәйләребезне шаккатырырлык итеп бүләкләр дә ясыйсыбыз бар! Эшебез күп, өлгер генә!

Килегез, күрерсез!