25 октябрь көнне безнең бакчада күптән көткән бәйрәм иртәсе булып узды. "Кәрзинемдә әкият" дип исемләнгән бу бәйрәмдә, билгеле инде, яшь артистлар башкаруында тамашачыларга  яңа спектакль тәкъдим ителде. Беләсезме ничек атала иде ул? "Башак" - бу әкиятне шундый кызык итеп уйнадылар алар,  өлкәннәр дә, балалар да. үзләрен һичшиксез Камал театрында дип хис иттеләр. Бәйрәм шулай ук җыр һәм биюләр, шигырь укулар белән дә кызыклы булды. Әтәч ролен Дилә Фазулова бик оста итеп башкарды, нәни генә булуына карамастан, ул шактый зур рольне бердә ялгышмый башкарып чыкты, ә менә  шук һәм тыңламас Чәрли һәм Чүрлине Назилә Хасаншина һәм Сөмбел Садыкова уйнадылар. Афәрин, кызчыклар!