Балаларда өлкәннәргә карата мәрхәмәтлелек, ихтирамлылык кебек сыйфатлар тәрбияләүне  без үзебезнең бурычыбыз дип саныйбыз һәм  ел саен Өлкәннәр көнен зурлап бәйрәм итәбез. Алдагы елларда "Әби - бабам - иң кадерле кеше" дип аталган бәйрәмнәр уздырсак, быел без үзебезнең коллективның ветераннарын бәйрәмгә чакырдык. Менә алар: беренче рәттә сулдан беренче  - Сәгадәт апа Морозова (кер юучы),  өченче - Галиябану Абдулловна Вафина (мөдир), аның  янәшәсендә - Рәшидә апа Вәлиева (пешекче), арттагы рәттә сулдан икенче - Резидә Хөснетдинова (тәрбияче ярдәмчесе). Хөрмәтле өлкәннәребез балалар белән  кызыклы итеп үзләре эшләгән чор хәтирәләрен уртаклаштылар. Ә балалар  Өлкәннәр хөрмәтенә җырлар җырладылар, шигырьләр сөйләделәр,  үзләре ясаган бүләкләрен тапшырдылар  һәм бәйрәм чәй табыны артында дәвам итте.