Раштуа - христиан динен тотучыларның зур бәйрәме. Ул чиркәү тарафыннан IV гасырдан билгеләп үтелә. Әлеге көн, табигатьнең Кояш торгынлыгыннан чыгып, елның җәйгә таба авышуына туры килә.  Раштуа алдыннан кешеләр алты атна буе итле, сөтле, йомыркалы ризыклар ашаудан тыелып тора, ягъни ураза тота.  Раштуа көне тугач, өйгә итле ризык исе чыга башлый. Кунакка йөрешүләр, кич утырулар, аулак өй ясаулар, нардуганнар, йөзек салышлар һәм башка төрле уеннар, күңел ачулар башлана.  Бәйрәм көннәрендә халык үзен бик инсафлы һәм тәртипле тоткан, эчкечелеккә, йортларда һәм урамнарда тавыш-гауга, тәртипсезлеккә юл куелмаган.  Күпләр бу изге көннәрне тыныч кына, дин кануннарына тугрылыклы булып үткәргән, йорттан йортка йөреп Христосны данлаганнар, аңа карата мактау сүзләре әйткәннәр, күңелле ял иткәннәр.

Мәктәбебездә Яңа ел кичәсе үтте. Бәйрәм укучыларны укуда булган уңышлары белән бүләкләүдән башланып китте. Соңрак укучылар үзләре әзерләгән бәйрәм тамашасы белән дәвам итте.

Икенче чирек ахыры якынлаша.  Бу көннәрдә 7 - 9 нчы сыйныф укучылары алган белемнәрен сынау максатыннан муниципаль контроль эшләр эшләү белән мәшгульләр. Алар математика, рус теле, физика, тарих фәннәре буенча тикшерү эшләре башкаралар. Укучыларыбыздан яхшы нәтиҗәләр көтеп калабыз .

Түбән Кәминкә төп белем мәктәбе көннән-көн матурлана, Яңа ел бизәкләре белән тулылана бара. Мәктәпкә килүчеләрне ишек төбендә матур кар сыннары "сәламли", ә фойеда Яңа ел бизәге - чыршы аллы-гөлле уенчыклары, җем-җем яна торган утлары белән үз янына чакырып тора. Кыш бабай остаханәсе бер көн дә туктап тормады, укучыларның стена газеталары әзер, мәктәпне бизәү эше тәмам. 

11 нче декабрь көнне 7 нче сыйныф укучылары "Матур киләчәк " дип аталган проект эше эшләделәр. Бу проект 29 нчы ноябрьдә старт алган иде.Укучылар, бу вакыт арасында бик күп материал туплап, проектны презентация белән тәмамладылар.

Мәктәптә тимурчылык эше дәвам итә.

8нче декабрь көнне район мөгаллимнәре чираттагы сынау үттеләр.