28 нчы октябрь - мәктәп китапханәләре көне. Бүген шул уңайдан китапханәче Тухватуллина С.Ш. китапханә сәгате үткәрде. Ул укучыларга китапханәләрнең элек ничек аталулары, кайчан барлыкка килүләре, төрләре һ. б. турында сөйләде. Соңыннан кызыклы сорауларга җавап бирделәр.

2019  елның  20 октябрендә татар һәм башкорт халкының   классик язучы Мостай Кәримнең тууына  100 яшь тулуны билгеләп үтте. Бу уңайдан, 23-октябрьдә безнең мәктәптә дә Мостай Кәрим иңатына багышланган  сыйныф сәгате  уздырылды.  . Татар теле  һәм әдәбияты  укытучысы Гирфанова Г.И. язучының  тормыш юлы һәм иҗаты белән таныштырды, укучылар шагыйрьнең  берсеннән-берсе матур шигырьләрен укыдылар.  Кичәдә  М. Кәримнең шигырьләренә язылган җырлар да  яңгырады. 

Мәктәптә 5-9 сыйныфлар "Көзге балл" кичәсен үткәрде. Сыйныф җитәкчеләре кызыклы уеннар оештырганнар иде. Кичә биюләр белән үрелеп барды.

15 нче октябрь Хәтер көне буларак билгеләп үтелә. 1552 нче елның шушы көнендә Казан ханлыгы яшәүдән туктый, явыз Иван гаскәрләре бөек дәүләтнең башкаласын яулап алуга ирешә. Әлеге фаҗигале вакыйгалар  уңаеннан тарих һәм җәмгыять белеме укытучысы Төхвәтуллина С.Ш. 1-9 сыйныфлар өчен "И, гүзәл Сөембикә, чорлар аша, сиңа эндәшәм!" темасына ачык чара үткәрде.

Бүген көзнең кояшлы да , салкын да көнендә тарих фәнен укытучыбыз Сания Шәһит кызы Төхвәтуллинаның гомер бәйрәме - юбилее.

Бүген тарих фәне белән тирәнтен кызыксынучы укучылар Казан шәһәренә экскурсиягә бардылар.

Мәктәп бакчасында бүген көзге өмә.Укучылар җәй буена карап, тәрбияләп үстергән кишер, чөгендерләрне җыеп алдылар. Уңыш мул. Пешекче апаларыбыз тәмле ашлар, салатлар белән сыйлаячак.

Бүген мәктәптә яңа уку елына багышланган беренче ата-аналар җыелышы үтте.

8 нче сентябрь дәүләт гражданнары арасында ватан бурычын үтәп Дәүләт советына депутатлар сайлавы булды. Укытучылар да әлеге сайлауда актив катнашты.