Балалар бакчасында әниләр көненә багышлап бәйрәм иртәсе үткәрдек. Кунак итеп чакырылган әниләребезне бәйрәм белән котлап, аларга матур җырлар, шигырьләр, биюләр тапшырдык. Әниләр һәм балалар белән командаларга бүленеп төрле ярышлар үткәрелде. Бәйрәм чәй табыны артында дәвам итте.

Балалар катнашында су объектларында бәхетсезлек очракларын кисәтү максатыннан уздырылган   "Бозда һәм суда сак булырмын" дигән республика рәсем конкурсының муниципаль этабында катнаштык. “Кышын сулыкларда моны эшләргә ярамый!” номинациясендә Низамов Азаматның рәсеменә 3 нче урын бирелде һәм ул Чирмешән районы мәгариф бүлегенең грамотасына ия булды.

Бүген балалар бакчасы хезмәткәрләре Түбән Кәминкә авыл җирлеге территориясендә узучы узара салым мәсьәләсе буенча җирле референдумда уз тавышларын бирделәр.

Бүген  Чирмешән районы 1 нче номерлы  "Ромашка" балалар бакчасы базасында "Лэпбук" техникасында автор дидактик кулланманы иң яхшы эшләү һәм тәкъдир итү буенча муниципаль смотр-конкурс булып узды. Тәрбияче Әлфинә Фазыл кызы үзе әзерләгән эшен тәкъдим итте.

Бакчабызда "Көз күчтәнәчләре" иртәсе гөрләп узды.Түбән Кәминкә мәктәбенең башлангыч класс укучыларын кунакка чакырдык. Уеннар уйнадык, табышмакларга җаваплар эзләдек, жырладык,биедек. Бәйрәм соңыннан бергәләшеп көз күчтәнәчләреннән авыз иттек.

Тәрбияче Әлфинә Фазыл кызы көзге табигатькә экскурсия оештырды. Балалар апалары белән бергәләшеп тирә - якны, табигатьтәге үзгәрешләрне,  агачларны һәм чыршыларны күзәттеләр.  Төрле эшләнмәләр ясаганда кулланыр өчен чыршы һәм нарат күркәләре, кипкән яфраклар, матур ташлар җыйдылар. Сәяхәттән шатланышып, күңелләре булып кайттылар.

1 октябрь - Өлкәннәр көне. Шул уңайдан, "Умырзая" балалар бакчасына йөрүче балаларның әбиләре чакырылган иде. Бәйрәмгә килгән кунакларга балаларыбыз бик теләп шигырьләр сөйләделәр , матур-матур җырлар, күңелле биюләр башкардылар.

Бакчабызда "Шалкан" әкиятен сәхнәләштердек.

Көз- мул уңыш чоры. Шул уңайдан балалар бакчасында   "Көзге нигьмәтләр" дип исемләнгән конкурс үткәрелде. Балалар әти-әниләр белән бергәләшеп, бакчаларындагы уңыштан төрле эшләнмәләр ясадылар һәм аларның барысы да безнең күргәзмәдә үз урынын алды.

Балалар бакчасында һөнәрләр атналыгы үткәрелде.