Бу көн сугышта үлгән, фашист коллыгында газапланган, тылда ачлык һәм мохтаҗлыктан вафат булган барча кешене искә алу көне. Бакчабызда тәрбияләнүче сабыйлар, өлкәннәр белән бергәләшеп авылыбыз һәйкәленә чәчәчкләр куйдылар. Ватаныбыз иреге һәм мөстәкыйльлеге өчен сугышта һәлак булучыларга мәңгелек дан!
 

Балалар бакчасы хезмәткәрләре бакча янындагы җир участогын эшкәртеп, түтәлләр ясап, төрле яшелчәләр утырттылар. Без һәр елны бу җирдә ашханәдә куллану өчен ел әйләнәсенә җитәрлек күләмдә суган, кишер, чөгендер үстерәбез. 

Балалар бакчасында Рәсәй көне билгеләп үтелде. Тәрбияче Әлфинә Фазыл кызы балаларны бәйрәмнең тарихы белән таныштырды.
 

1 июнь- Халыкара балаларны яклау көне. Балаларның киләчәге матур булсын өчен имин тормыш, яраткан туган җир, гаилә җылысы, күңелле балачак кирәк. Бүген без мәдәният йортында бергәләшеп бу бәйрәмне билгеләп үттек.

Олы бәйрәм бүген бездә

Зурлар инде күбебез,

Бакча белән хушлашабыз –

Бүген соңгы көнебез!

Бакчабызда " Урман-җиребезнең матурлыгы, байлыгы" атналыгы үтте. Балалар агач исемнәрен өйрәнделәр, экскурсиягә бардылар. Тәрбияче апалары белән бергәләшеп стена газетасы чыгардылар.

Халык бәйрәмнәре турында балаларның белемнәрен киңәйтү, балаларда патриотик хисләр, туган якка, Ватанга мәхәббәт тәрбияләү максатыннан балалар бакчасы коллективы һәм балалар бәйрәм митингында катнаштылар.

Балаларда культура-гигиена күнекмәләре тәрбияләү максатыннан балалар бакчасында бу темага әңгәмә үткәрелде.

Бүген балалар бакчасында "Тукайны онытмыйбыз" дип исемләнгән бәйрәм иртәсе үткәрелде.

Зәңгәр күк йөзендә кояш балкып, кар сулары аккан чакта, шаулап-гөрләп яз ае - апрель килгәндә, безнең яраткан шагыйребез Габдулла Тукай туган.