Электрон дәүләт хезмәтләренең мөмкинлекләрен әлеге порталдан файдаланучылар яхшы белә: уңайлы, җиңел һәм тиз. Чыннан да, почта-банкларда чират тормыйча, компьютер яисә кәрәзле телефон ярдәмендә генә дә хәзер бик күп төр хезмәтләрне башкарырга мөмкин. uslugi.tatarstan.ru һәм ww.gosuslugi.ru – торак-коммуналь хуҗалык, элемтә, ЮХИДИ һәм автохезмәтләр, балалар бакчасы, салым инспекциясе, ЗАГС, Пенсия фонды, мәгариф, социаль ипотека, милек белән бәйле сораулар, росреестр, социаль яклау, сәламәтлек саклау, чит ил һәм гражданлык паспортлары, газета-журналларга язылу, билетлар сатып алу һәм башка бик күп төрдәге хезмәтләрне үз эченә ала. Кулланучылар арасында әлеге порталны үз итүчеләр арта бара. Әлеге максатта мәктәптә аңлату эшләре алып барыла.