Авыл җирлегендә компьютер грамоталылыгына өйрәтү өлкәсендә намуслы хезмәте өчен Шарапова Фәүзия Талип кызы Дәүләт Думасының рәхмәт хаты белән бүләкләнде. 

Хөрмәтле коллегабыз Шамгунов Габделсамат Малик улы! Сезне олуг юбилеегыз белән чын күңелдән котлыйбыз.

Котлы булсын олы туган көнең,
Зур шатлыклар каршы алсыннар.
Әгәр булган булса борчуларың,
Үткән тормышыңда калсыннар.

Татарстан конституциясенең 25 еллыгы хөрмәтенә "Татарстан конституциясенең 25 еллыгы " дигән темага парламент дәрес үтте.

Балалар "Осень 41 го" дигән фильм карадылар.

Төзекләндерү эшләре тәмамланды. Яшәүче балалары үз мәктәпләрендә укый башладылар.

Елның сихри фасылында- көз аенда татар халкы “ Сөмбелә” бәйрәмен уздырган. Ул көзге бәйрәм, уңыш бәйрәме. Башлангыч сыйныф укучылары бу бәйрәмгә бик тырышып әзерләнделәр.

 "Укытучыңны котла!" республика акциясенә кушылып, без ветеран укытучыларыбызны бәйрәм белән котларга бардык. Хөрмәтле укытучыларыбызга ныклы сәламәтлек, озын гомер, тыныч картлык теләдек.

5 сыйныф укучылары математикадан диагностик эшләр эшләделәр. 

Халыкара тынычлык көне уңаеннан Кармыш төп гомуми белем бирү мәктәбендә «Тынычлык күгәрчене» акциясе үтте. Мәктәп укучылары тарафыннан  тематик шигырьләр, җырлар белән үрелеп барган искә алу чарасы  оештырылды. Соңыннан укучылар төрле төстәге шарларга беркетелгән кәгазь ак күгәрченнәрне күккә очырды. Бу күгәрченнәргә Бөек Ватан сугышында һаләк булган һәм тылда тир түккән батырларның исемнәре язылган иде. «Тынычлык күгәрчене» акциясе чараларының максаты — җир шарындагы барлык балаларның, ата-аналарның йөзләреннән бәхетле елмаю китмәсен өчен кешеләрне тынычлыкка, югалтуларсыз, кайгы-хәсрәтсез, имин тормышка өндәү.